Հուշարձանների և տեսարժան վայրերի միջազգային օրվա միջոցառումներ.Քայլարշավ

 

Ապրիլի 18-ը Հուշարձանների և տեսարժան վայրերի միջազգային օրն է: Օրվան ընդառաջ՝ ՀՀ կրթության, գիտության, մշակույթի և սպորտի նախարարության համակարգմամբ տարբեր մարզերում և Երևան քաղաքում կանցկացվեն տարաբնույթ միջոցառումներ՝ գիտաժողովներ, կրթական ծրագրեր, տեղեկատվական արշավներ, քայլարշավներ դեպի հուշարձաններ, հուշարձաններին վերաբերվող սահիկաշարերի, լուսանկարների, տեղեկատվական այլ նյութերի ցուցադրում, բաց դասեր, ֆիլմերի դիտումներ, տարածքների մաքրման աշխատանքներ:

Ծրագիրը միտված է հուշարձանների հանրահռչակմանն ու հասարակության լայն շերտերի իրազեկմանը: Հատուկ կարևորություն է տրվում նախատեսված միջոցառումներին դպրոցականների ակտիվ մասնակցությանը՝ հուշարձանների պահպանությունն ու հանրահռչակումը դիտարկելով որպես ուսուցման գործընթացի հավելյալ բաղադրիչ:

ՅՈՒՆԵՍԿՕ-ն ապրիլի 18-ը նշում է որպես Հուշարձանների և տեսարժան վայրերի միջազգային օր 1983 թվականից՝ Հուշարձանների և տեսարժան վայրերի միջազգային խորհրդի (ԻԿՕՄՕՍ) առաջարկությամբ: Յուրաքանչյուր տարի ապրիլի 18-ին բազմաթիվ երկրներ տարաբնույթ միջոցառումների միջոցով բարձրացնում են հասարակության տեղեկացվածության մակարդակը համաշխարհային ժառանգության բազմազանության, դրա պաշտպանության ու պահպանության վերաբերյալ:

Հուշարձանների և տեսարժան վայրերի միջազգային օրվա շրջանակում՝ ապրիլի 19-ին,  ԿԳՄՍ նախարարը բոլոր ցանկացողներին հրավիրում է քայլարշավի Լոռու մարզի Դսեղ գյուղ՝ Հովհաննես Թումանյանի տուն-թանգարան և Բարձրաքաշի Սբ Գրիգոր վանական համալիր։

Ծրագրում՝

  • Մեկնում (Երևան-Դսեղ)
  • Այցելություն Հովհ․ Թումանյանի տուն-թանգարան
  • Քայլարշավ Դսեղ գյուղից դեպի Բարձրաքաշի վանական համալիր
  • Վերադարձ (Դսեղ – Երևան)

Քայլարշավի սկիզբ՝ ժամը 8։00, ավարտ՝ 17։00 (հասցե՝ ք․ Երևան, Վազգեն Սարգսյան 3)։

Տեղերը սահմանափակ են։

Քայլարշավին մասնակցելու համար անհրաժեշտ է լրացնել առցանց հայտ` https://forms.gle/EuHJmGesWfYBVn9k9: Հայտերի ընդունման վերջնաժամկետն է՝ 13․04․2025 թ․։

Լրացուցիչ տեղեկությունների համար կարող եք զանգահարել (+374) 10 599691 հեռախոսահամարով։

Հիշեցնենք, որ ապրիլի 18-ը Հուշարձանների և տեսարժան վայրերի միջազգային օրն է, որի նպատակն է տարաբնույթ միջոցառումների միջոցով բարձրացնել հասարակության տեղեկացվածությունը համաշխարհային ժառանգության բազմազանության, դրա պաշտպանության ու պահպանության վերաբերյալ:

 

 

Spread the love