Եվրոպական հանձնաժողովը քննարկում է աշխարհաքաղաքական մարտահրավերների պայմաններում անվտանգությունն ամրապնդելու համար ԵՄ մասնագիտացված հետախուզական ծառայություն ստեղծելու հարցը, երեքշաբթի հայտարարել է ԵՄ ներկայացուցիչը՝ հավելելով, որ նախաձեռնությունը դեռևս սկզբնական փուլում է, գրում է Reuters-ը։
«Մենք մարտահրավերներով լի աշխարհաքաղաքական և աշխարհատնտեսական միջավայրում ենք, և այդ կպակցությամբ հանձնաժողովն ուսումնասիրում է իր անվտանգության և հետախուզական կարողություններն ամրապնդելու ուղիները»,- նշել է Եվրահանձնաժողովի մամուլի քարտուղարը։
Իր հերթին Financial Times պարբերականը հաղորդել է, որ Եվրահանձնաժողովը նախագահ Ուրսուլա ֆոն դեր Լայենի գլխավորությամբ ձեռնամուխ է եղել նոր հետախուզական ստորաբաժման ստեղծմանը՝ ազգային հետախուզական գործակալությունների հավաքագրած տեղեկությունների օգտագործումը բարելավելու նպատակով։ Հանձնաժողովի գլխավոր քարտուղարության շրջանակում ստեղծվելիք ստորաբաժանումը նախատեսում է պաշտոնյաներ վարձել ԵՄ հետախուզական համայնքից և համատեղ նպատակներով հետախուզական տվյալներ հավաքել, գրում է պարբերականը՝ վկայակոչելով ծրագրերի մասին տեղեկացված չորս անձի։