Բելառուսի նախագահ Ալեքսանդր Լուկաշենկոն հայտարարել է, որ արհեստական բանականությունն ի վիճակի չէ փոխարինել մարդկանց և կոչ է արել դրա համար զուր տեղը չանհանգստանալ ։ Նա նման հայտարարություն է արել «Պլանար» ԲԲԸ ձեռնարկություն այցելության ժամանակ, հաղորդում է БЕЛТА-ն։
Բարձր տեխնոլոգիաների վերաբերյալ քննարկման ժամանակ Լուկաշենկոն դիմել է «Պլանար» ԲԲԸ-ի գործադիր տնօրեն Սերգեյ Ավակովին և հարցրել նրա կարծիքը արհեստական բանականության զարգացման վերաբերյալ։
«Կարծում եմ՝ այդ սահմանումն առաջարկողները նկատի ունեին, որ արհեստական բանականությունը կփոխարինի մարդկանց»,- նշել է նախագահը։
«Ոչ, չի փոխարինի»,- պատասխանել է Ավակովը՝ հավելելով, որ հարցը՝արդյոք մեքենան կարող է ավելի խելացի լինել, քան իր ստեղծողը, մնացել է հռետորական 1950-ական թվականներից ի վեր։
Լուկաշենկոն ընդգծել է. «Այսպիսով, ոչ մի «բանականություն» մեզ չի փոխարինի»։ Նա հավելել է. «Մենք պետք զուր տեղը չանհանգստանանք, որ «օ՜, արհեստական բանականություն։ Մենք վաղը պետք չենք լինի, այդքանը։ Մենք պետք է այս ամենը հանգիստ ընդունենք»։