ՆԱՏՕ-ն երկուշաբթի Բալթիկ ծովի վրայով թռած ռուսական ռազմավարական ռմբակոծիչներ և կործանիչներ է որսացել՝ Մերձավոր Արևելքի վրա սևեռված ուշադրության կենտրոնից հեռու ցուցադրելով դաշինքի արևելյան թևի հզոր օդուժը, հայտնում է Associated Press-ը։
Ֆրանսիական Rafale կործանիչներն օդ են բարձրացել Լիտվայի ավիաբազայից, որտեղ նրանք տեղակայված են օդային տարածքի պահպանությանն ուղղված ՆԱՏՕ-ի բազմամյա ջանքերի շրջանակում։
«Օդ-օդ» դասի հրթիռներով զինված կործանիչներին միացել են ինքնաթիռներ Շվեդիայից, Ֆինլանդիայից, Լեհաստանից, Դանիայից և Ռումինիայից։ Ըստ ֆրանսիական ստորաբաժանման ներկայացուցիչների՝ բոլորն օդ են բարձրացել ռուսական ինքնաթիռները զննելու և դրանց հետևելու համար։
Հաղորդվում է, որ Associated Press-ի լրագրողը երկուշաբթի Լիտվայի Շյաուլյայ խոշոր ավիաբազայից ականատես է եղել ֆրանսիական ստորաբաժանման արձագանքին։
Ըստ հայտարարության՝ ռուսական առաքելության մեջ ներգրավված են եղել երկու գերձայնային Տու-22М3 ինքնաթիռներ, ինչպես նաև մոտ 10 կործանիչներ՝ թե՛ СУ-30, թե՛ СУ -35, որոնք հերթով ուղեկցել են առավել խոշոր ռազմավարական ռմբակոծիչներին։
Ռուսաստանի պաշտպանության նախարարությունը հայտարարել է, որ հեռահար ռմբակոծիչների թռիչքը պլանավորված էր և տեղի է ունեցել Բալթիկ ծովի չեզոք ջրերի օդային տարածքում։ Թռիչքը տևել է ավելի քան չորս ժամ։
ՆԱՏՕ-ն հայտարարել է, որ իր խոցած ռուսական ինքնաթիռները հաճախ չեն օգտագործում իրենց տրանսպոնդերները, կապ չեն հաստատում ավիադիսպետչերների հետ և թռիչքի ծրագիր չեն ներկայացնում։ Դրանց նույնականացման համար ուղարկվել են ՆԱՏՕ-ի ինքնաթիռները։ Ռուսական թռիչքների մեծ մասը, որոնց ՆԱՏՕ-ն հետևում է Բալթյան երկրների օդային ոստիկանության առաքելության շրջանակում (գործում է 2004-ից՝ Լիտվայի, Լատվիայի և Էստոնիայի անդամակցությունից ի վեր), իրականացվում են դեպի Կալինինգրադի անկլավ և հակառակ ուղղությամբ։
Դեռևս մինչև Ուկրաինայի պատերազմը, ՆԱՏՕ-ն տարեկան մոտ 300 անգամ ռուսական ինքնաթիռներ էր որսում, հիմնականում՝ Հյուսիսային Եվրոպայի ջրերի մոտակայքում