Նախորդ տարի Արտաշատում ևս տեղի ունեցան համայնքների խոշորացում և ՏԻՄ ղեկավարի ընտրություն: Հիշեցնենք , որ խոշորացման արդյունքում 37 գյուղական համայնքներ միավորվեցին Արտաշատ քաղաքին , ձևավորելով խոշորացված կենտրոն, իսկ ընտրությունների արդյունքներով ՏԻՄ ղեկավար ընտրվեց ՔՊ-ական թեկնածու Կառլեն Մկրտչյանը:
Հիշեցնենք, որ Կ. Մկրտչյանը տարածաշրջանի ՔՊ գրասենյակի պատասխանատուն է և նախկինում ղեկավարել է «Արտաշատ » ջրօգտագործողների ընկերությունը և դատելով իր ղեկավարած աշխատանքներից կարելի է ենթադրել, որ նա լավ է տիրապետում համայնքի խնդիրներին և ենթակառուցվածքներին:
Սակայն անկախ կուսակցության պատկանելիությունից և զբաղեցրած դիրքից իրական իշխանությունը ռեալ դեմքով, որոշում է ժողովուրդն իր ընտրությամբ, երբ իր վստահության քվեն տալիս է թեկնածուին և համայնքապետից ակնկալում է տված ընտրախոստումների իրականցումը:
Այս ֆոնին հարկ է նշել , որ ընտրախոստումներից բխելով համայնքային նշանակության լուրջ գործեր էր սպասվում , իսկ ժողովուրդն իր ընտրությամբ ձևավորեց համայնք և ավագանի , որից սպասում է ռեալ քայլեր աշխատանքի և խոստումների իրականացման տեսքով:
« Զրույց»-ը շարունակում է իր հանդիպումները խոշորացված համայնքներում ծանոթանալով խնդիրներին և ձեռքբերումներին:
ԿԱՏԱՐՎԱԾ ԱՇԽԱՏԱՆՔՆԵՐ ՔԱՂԱՔԱՅԻՆ ԵՎ ԳՅՈՒՂԱԿԱՆ ԲՆԱԿԱՎԱՅՐԵՐՈՒՄ
Նախորդ տարվանից Արտաշատ համայնքում իրականացվել են մի շարք ծրագրեր և շարունակվում են ընթացիկ տարում , որոնցից զգալի մասն իրականացվում է կառավարության սուբվենցիոն ծրագրերով:
Մեր առաջին հանդիպումը Դեղձուտ բնակավայրում էր, որը Արտաշատից հեռու է շուրջ 7 կմ, նա փոքր գյուղական (համայնքների) շարքին է դասվում, սակայն ինչպես Արտաշատ խոշորացված համայնքի ցանկացած բնակավայր ունի ենթակառուցվածքներ, որոնք զարգացման կամ արդիականացման խնդիրներ ունեն , այդ նպատակների համար բնակավայրերը ներկայացնում են իրենց խնդիրները իսկ կենտրոնացված համայնքն ընդունում և հավանության է արժանացնում՝ կարևորները:
Այս կոնտեքստում ներկայացնում են Դեղձուտի համար կարևոր ծրագրերը , 2021-2022 թվականների կտրվածքով որոնց կանրադառնանք ըստ կատարված և ընթացիկ տարում սպասվող աշխատանքների:
Դեղձուտցիներից ՝ մեր հանդիպման ժամանակ տեղեկացանք , որ վերջին շրջանում գյուղում կյանքը զարգացման նոր ընթացք է ստացել քանի-որ համայնքային նշանակություն գործերը մտել են կատարման կարևոր փուլ , որը փոխել է գյուղացիների վերաբերմունքը և հույսեր է կապում զարգացող ծրագրերի հանդեպ՝ հատկապես համայնքապետ Կառլեն Մկրտչյանի նախաձեռնությունների և ընտրախոստումների հետ, որի մի մասն իրականացվում է և ժողովուդը համարում է իր ձեռքբերումը, քանի-որ վստահությունը այս դեպքում փոխադարձ է ՝ համայնքապետ և բնակիչ ,- «Գիտեք մեր գյուղում իրականացվելու է մեծ ծրագրեր գյուղի զարգացման հնգամյա ծրագիր, որտեղ ներառված են բազմաթիվ ծրագրեր համանքը զարգացնեու ուղղությամբ»,-ասաց դեղձուտցի տարեց պապիկը , ով լավ էր պատկերացնում խնդիրների ծավալն ու չափը և դրա համար նկարագրում էր գյուղի զարգացման տեսլականը:
Մենք զրուցեցինք նաև վարչական ղեկավար ՝ ՅՈՒՐԻԿ ՄՈՒՐԱԴՅԱՆԻ հետ , ով ներկայացրել է համայնքային նշանակության խնդիրներ, որոնց մի մասն ընդգրկվել է կառավարության սուբվենցիոն ծրագրերի շրջանակներում:
Պարոն Մուրադյանը անրադառնալով ծրագրին նշեց դրանցում ընդգրկված ենթակառուցվածքները, որոնք կառավարության սուբվենցիոն և համայնքի համաֆինանսավորմամբ կյանքի պիտի կոչվեն: «Մենք ներկայացրել ենք մի շարք ծրագրեր, որոնք արժանացել են կառավարության հավանությանը ՝մասնավորապես Դեղձուտի և հարակից գյուղերի համար կառուցվելու է շատ երկար սպասված մանկապարտեզ, որը կծառայի ՝Մրգանուշի,Վարդաշենի ՝մանուկների համար: Բացի այդ իրականացվելու է ասֆալտապատում մեկ կմ, ոռոգման ջրագծի կառուցում ևս մեկ կմ, ինչպես նաև խմեու ջրագծի կառուցում վեց հարյուր մետր և լուսավորություն ութ հարյուր մետր ընդհանուր չափերով», -փաստեց Մուրադյանը և շարունակեց այն աշխատանքների թեման , որը իրականացվել է 2021 թվականին , որոնք համագործակցության և փոխվտահության արդյունք են ՝ մասնավորապես սֆալտապատում, ոռոգման ջրագծի կառուցում, փողոցների լուսավորություն, խմելու ջրագծի կառուցում, դաշտամիջյան ճանապարհների համահարթեցում և խճապատում, մշակույթային, կրթական օբյեկտների վերանորոգում : Նախորդ տարի Դեղձուտ համայնքում կառուցվել է 600գծ/մ ոռոգման ջրագիծ համայնքի միջոցներով և մարզպետարանի հրատապ օգնության միջոցներով /համայնք-70%, մարզպետարան-30%/:Իսկ
2021թվականին համայնքի միջոցներով Հ.Շիրազի, Հ.Թումանյան, Ս.Զորյան փողոցներում անկացվել է լուսավորություն: «SOLAR», ընկերության կողմից համայնքին նվիրատվության հիմունքներով տրվել է ԼԵԴ լույսեր, որոնք տեղադրվել են կենտրոնական՝ Կամոյի փողոցում: Պարբերաբար իրականացվել են փողոցային լույսերի սպասարկման ծառայություն:Բոլոր ծրագրերն իրականացվել են սահմանված բոլոր ստանդարտներին համապատասխան:
Համայնքային նշանակության կարևոր խնդիրներ են իրականացվել նաև Բուրաստան գյուղում, հատկապես գյուղացիները նշեցին այն կարևոր մշակութային միջոցառումները , որոնք բաղկածացած են հայ ավանդական արվեստի և մշակույթի պահպանմանն ու զարգացմանը արդի ժամանակներում:Հայեցի դաստիարակության և մատաղ սերունդներին մեր ավանդական մշակույթի փոխանցումը կարևոր առաքելություն է , որի նպատակների իրականցման համար ըստ գյուղացիների ՝ մշտապես աջակցում է համայնքապետ Կառլեն Մկրտչյանը:
ՄՇԱԿՈՒԹԱՅԻՆ ՄԻՋՈՑԱՌՈՒՄՆԵՐ
Բուրաստանում և Արտաշատ համայնքում ընթացիկ տարում իրականացված մշակութային միջոցառումների հետ կապված զրուցեցինք նրա կազմակերպիչներից Մանան Միրզոյանի հետ, ով շատ խորը ներկայացրեց ծրագրերը, որոնք իրականացվել է համատեղ ուժերով , ազգաբնակչությանը մասնակից դարձնելով բոլոր միջոցառումներին:Նշվել է ավանդական Տիարնընդառաջը, Բարեկենդանը, Սուրբ Հարության տոնը, Ծաղկազարդը, Համբարձման տոնը , որը սկզբում նշել են Բուրաստանում և հետո Գանձաքարում, որի կազմակերպմանն աջակցել է Արտաշատի համայնքապետարանը,իսկ Տավուշի մարզի պատմամշակութային՝ Գանձաքար մեկնելու նպատակով համայնքը տրամադրել է ավտոբուս:
Բուրաստան գյուղի վարչական ղեկավար՝ ԱՇՈՏ ԹԱՐՎԵՐԴՅԱՆԸ էլ իր հերթին անրադարձավ այն կարևորագույն խնդիրներից 2 ին , որոնցից մեկը կապված է ոռոգման ջրի բարեկարգման աշխատանքների հետ ՝ կիսախողովակների ներդնումը , որն իրականացվել է նախորդ տարվա սուբվենցիոն ծրագրով, և երկրորդ՝ ընթացիկ տարում հաստատվել է գյուղի 4-5 խմբանոց մանկապարտեզի կառուցման նախագիծը, որին սպասել են շատ երկար :
Հնաբերդ գյուղական բնակավայրի վարչական ղեկավար՝ ՄԱՐԱՏ ՊՈՂՈՍՅԱՆԸ ևս փաստեց և իր բարձր գնահատականը տվեց. համայնքային աշխատանքների աննախադեպ իրականացված ծրագրերի քանակին, որը լուրջ մարտահրավեր է Հնաբերդի նման փոքր գյուղի համար և ասաց,- «Համայնքապետ Կառլեն Մկրտչյանը մշտապես մեր կողքին է:Նա ամեն հնարավորը և անհնարինն անում է հանուն մեր ազգաբնակչության, նրա կյանքի որակը բարձրացնելու համար: Եվ յուրաքանչյուր կատարած աշխատանք նպատակային է և արդյունավետ»:
Արտաշատ խոշորացված համայնքի ձեռքբերումներին և խնդիրներին անդրադառնալուց առաջ հատկանաշական է փաստել ,որ նախորդ տարի կառավարության սուբվենցիոն ծրագրով իրականացված աշխատանքների քանակով Արարատի մարզը առաջատարն է մյուս մարզերի ֆոնին:
Սուբվենցիոն ծրագրի շրջանակներում Արտաշատ համայնքում իրականացված աշխատանքները տեսանելի են , որը շարունակական է լինելու զարգացման ողջ հնարավոր ծավալներով:Կատարած շոշոփելի աշխատանքների և առաջկա ծրագրերի շուրջ զրուցեցինք Արտաշատ խոշորացված համայնքի ղեկավար ՝ ԿԱՌԼԵՆ ՄԿՐՏՉՅԱՆԻ հետ:
-Պարոն Մկրտչյան Արտաշատ խոշորացված համայնքի համար արդյո՞ք շատ չեն խնդիրները, որտեղ գյուղական խիտ բնակեցված բնակավայրերը շատ են , առկա ծրագրերը բավարարում են լուծումներ տալու համար:
-Իսկապես ծրագրերը քիչ չեն և տարբեր ոլորտներից : Մենք բոլոր խնդիրներին անրադառնալու ենք , կախված ծրագրերում ընդգրկվելու առաջնահերթությունից , մենք դրանց լուծումներ ենք առաջարկում:Ինչպես գիտեք մենք կրթական ոլորտի բարեփոխումներին մեծ նշանակություն ենք տալիս և այդ շրջանակներում կարևորելով նախադպրոցական կրթությունը, որպես երեխաների կրթության և դաստիարակության ամուր հիմք՝ պաշտոնավարման առաջին իսկ օրից ես հոգածության ներքո եմ պահում ոլորտը՝ գործուն քայլերով փորձելով լուծում տալ առկա խնդիրներին և Արտաշատ միավորված համայնքի փոքրիկ բնակիչներին ապահովելու որակյալ կրթություն ստանալու բոլոր անհրաժեշտ պայմաններով:
–Պարոն Մկրտչյան ի՞նչ քայլ եք նախաձեռնել կրթության ոլորտում շենքային պայմանների բարելավման ուղղությամբ:
-Գործելու ցանկության և ներդրած ջանքերի դեպքում հնարավոր է հասնել ցանկալի արդյունքի: Մենք բոլոր ծրագրերը քննարկում և հաստատում ենք ավագանու հետ միասին եվ ահա, այդ շրջանակներում շատ լավ նորություն ունենք համայնքի բնակիչների համար.
2022 թվականին կառավարությունից սուբվենցիա ստանալու համար Արտաշատ համայնքից բնակիչների տնտեսական և սոցիալական զարգացմանն ուղղված մի շարք ծրագրեր են ներկայացվել, որոնք հավանության են արժանացել:
Ծրագրերից մեկով համայնքում կկառուցվեն և կվերակառուցվեն նախադպրոցական նոր հաստատություններ:
–Գյուղական բնակավայրերում երկար են սպասել մանկապարտեզների կառուցմանը, ամբողջական կնշեք թե՞ , որ գյուղերում են կառուցվելու մանկապարտեզները:
-Իսկապես ուրախալի է, որ այն բնակավայրերում, որտեղ երբեք չեն գործել մանկապարտեզներ, նոր հաստատություններ կկառուցվեն՝որոնք դեռևս խորհրդային տարիներին պլանավորված է եղել , սակայն չեն կառուցվել մինչև մեր օրեր՝ դրանք կլինեն Այգեպատ, Բուրաստան, Մրգանուշ, Ջրաշեն բնակավայրերն այլևս կունենան նոր մանկապարտեզներ, որոնք կծառայեն նաև հարակից բնակավայրերին: Մրգանուշում կառուցվող մանկապարտեզը կսպասարկի նաև Դեղձուտ և Վարդաշենին, իսկ Բուրաստանի մանկապարտեզը՝ Մասիս բնակավայրերին։Իսկ Կանաչուտ բնակավայրում նոր մասնաշենք կկառուցվի, ինչը թույլ կտա ավելացնել մանկապարտեզ հաճախող երեխաների թիվը:
–Արտաշատ քաղաքում ևս մանկապարտեզների վերակառուցման խնդրահարույց մանկապարտեզներ ևս կան, մասնավորապես մեզ հայտնի թիվ 6 մանկապարտեզի երկարամյա խնդիրը, ի՞նչ աշխատանքներ եք տանում այդ ուղղությամբ:
-Այո :Մենք այդ ուղղությամբ ևս ունենք ծրագրեր , որն ընդգրկված է մեր ենթակառուցվածքների զարգացման ծրագրերում:Արտաշատ քաղաքային համայնքում կվերանորոգվեն թիվ 1 և թիվ 6 մանկապարտեզները: Բացի այդ նորոգման աշխատանքներ կընթանան նաևԱրաքսավան, Բարձրաշեն, Դիմիտրով, Հնաբերդ, Հովտաշեն Նորաշեն, Շահումյան, Ոստան, Վերին Արտաշատ բնակավայրերի մանկապարտեզներում: Անչափ կարևոր և բնակիչներին հուզող այս ծրագրի արդյունքում բազմաթիվ երեխաներ կկարողանան օգտվել նախադպրոցական կրթություն ստանալու իրենց իրավունքից և կստեղծվեն նոր աշխատատեղեր մեր բնակիչների համար:
–Ենթակառուցվածքների վերականգնաման աշխատանքներ իրականացվու՞մ են գյուղատնտեսական ոլորտը խթանելու համար:
-2021-2022 թվականների կառավարության սուբվենցիոն ծրագրով իրականացվել է ոռոգման ջրի համակարգում բարեփոխումներ: Գյուղատնտեսական ոլորտը զարգացնելու համար կարևոր նախապայման է ոռոգման ջրի հասանելիությունը, որը մենք փործում ենք իրականացնել համատեղ ուժերով: Դրա հետ կապված ընթացիկ տարում համայնքում բնակիչներին հուզող ևս մի մտահոգություն շուտով իր լուծումը կստանա: Համայնքների տնտեսական և սոցիալական զարգացմանն ուղղված կառավարության 2022 թվականի սուբվենցիոն ծրագրով Արտաշատ միավորված համայնքում ոռոգման ցանցի համակարգի կառուցում կիրականացվի:
Աբովյան,Ազատավան,Այգեզարդ,Այգեպատ, Այգեստան,Արաքսավան,Բաղրամյան,Բերդիկ,Բերքանուշ,Բյուրավան,Գետազատ,Դեղձուտ,Լանջազատ,Հովտաշեն,Մխչյան,Մրգանուշ,Նշավան, Շահումյան,Վարդաշեն և Դիմիտրով բնակավայրերում կկառուցվեն ոռոգման ցանցեր:Ինչպես նաև Այգեզարդ և Մխչյան բնակավայրերում կկառուցվեն նաև խորքային հորեր, իսկ Լանջազատում՝ նաև պոմպակայան:Ծրագրի իրականացումով հնարավոր կլինի համայնքում արդյունավետ կազմակերպել ոռոգման գործընթացը, հողի մշակը կկարողանա ժամանակին ոռոգել իր հողատարածքը՝ հասնելով ցանկալի արդյունքների:
-Պարոն Մկրտչյան ճանապարհների ասֆալտապատման խնդիրը միշտ մտահոգիչ թեմաներից են մեր ազգաբանկչության համար ի՞նչ աշխատանքներ են նախատեսված այդ ուղղությամբ:
-Այո, ճիշտ եք նկատում Արտաշատ միավորված համայնքում անդրադարձ է կատարվել ևս մեկ կարևոր հիմնախնդրի: Կառավարության 2022 թվականի սուբվենցիոն ծրագրով ասֆալտապատման մեծածավալ աշխատանքներ կիրականացվեն: Ծրագրի շրջանակներում աշխատանքներ են նախատեսված՝Արտաշատ քաղաքային ինչպես նաև գյուղական բնակավայրերի ՝Ազատավան, Աբովյան,Արևշատ,Բարձրաշեն,Դալար,Դեղձուտ,Դիտակ,Դվին,Մխչյան, Մրգավան, Նարեկ,Նշավան,Նորաշեն,Վարդաշեն,Վերին Արտաշատ և Քաղցրաշեն գյուղերում:
Արդյունքում կիրականցվի երբևէ չիրականացված այս լայնածավալ ասֆալտապատման աշխատանքները , որի արդյունքում կբարեկարգվեն համայնքի մեծ թվով փողոցներ, զգալիորեն կթեթևանա մի շարք փողոցների ծանրաբեռնված երթևեկությունը: Ինչպես նկատում եք այս շինարարական աշխատանքներն իրականացնելիս՝ համայնքում կստեղծվեն նոր աշխատատեղեր՝ այսպիսով ապահովելով նաև բնակիչների զբաղվածությունը:
–Բազմաբնակարան շենքերի բնակիչներից պարբերաբար ստացել ենք ահազանգեր տանիքների մաշվածության հետ կապված, ի՞նչ աշխատանքներ է տարվում այդ ուղղությամբ:
-Խնդիրները մշտապես մեր ուշադրության կենտրոնում է և ի ուրախություն մեր ազգաբնակչության կառավարության 2022 թվականի սուբվենցիոն ծրագրով Արտաշատ համայնքում ևս մեկ կարևոր խնդրի լուծում կտրվի: Արտաշատ քաղաքային համայնքում և Վերին Արտաշատ բնակավայրում կվերանորոգվեն բազմաբնակարան բնակելի շենքերի տանիքներ, որոնք գտնվում են վթարային կամ ոչ բարվոք վիճակում:
Ծրագրի իրականացման արդյունքում Արտաշատ քաղաքային համայնքի 20 և Վերին Արտաշատ բնակավայրի 1 շենքեր կունենան կապիտալ վերանորոգված տանիքներ:
Արտաշատ համայնքում առաջին անգամ թվով 21 շենքերի տանիքներ միանգամից կհիմնանորոգվեն՝ այսպիսով երկարաժամկետ լուծում տալով այս կարևոր ու բնակիչներին հուզող խնդիրին:
–Կոմունալ սպասարկման և աղբահանությունը ևս շարունակում են մնալ համայնքային նշանակության խնդիրներից մեկը:Ի՞նչ ձեռքբերումներ կան այդ ոլորտում:
–Համայնքի աղբահանության և սանմաքրման աշխատանքները գտնվում են մշտապես իմ ամենօրյա ուշադրության և հոգածության կենտրոնում: Աշխատանքները ժամանակին ու պատշաճ կազմակերպելու համար մշտապես որոնվում և մշակվում են խնդրի լուծման առավել արդյունավետ ուղիներ:
Կառավարության 2022 թվականի սուբվենցիոն ծրագրով Արտաշատ միավորված համայնքի կոմունալ բնագավառի ենթակառուցվածքների զարգացման համար նախատեսվում է ձեռք բերել շուրջ 144 մլն դրամ արժողությամբ մեքենասարքավորումներ և տեխնիկա, որից 93 մլն 600 հազարը կտրամադրի համայնքը:
Այսկերպ հնարավոր կլինի արմատական լուծում տալ այս հարցին, համայնքի ողջ տարածքում՝ քաղաքային ու գյուղական բնակավայրերում արդյունավետ և օպերատիվ կազմակերպել աղբահանության և սանմաքրման աշխատանքները: Ծրագրի իրականացումով համայնքում կավելանան նաև նոր աշխատատեղեր:
-Կոմունալ խնդիրներին զուգահեռ դեռևս գազաֆիկացման են սպասում համայնքի որոշ թաղամասերի բնակիչներ, կան արդյո՞ք նորություններ այդ ուղղությամբ:
-Կառավարության 2022 թվականի սուբվենցիոն ծրագրով նախատեսվում է Արտաշատ համայնքում ևս երկու կարևոր խնդիր լուծել: Ծրագրերից մեկի իրագործման արդյունքում համայնքի Արտաշատ քաղաքային և Այգեպատ, Բերքանուշ, Գետազատ, Կանաչուտ, Նշավան բնակավայրերում դեռևս չգազաֆիկացված թաղամասերը կապահովվեն կապույտ վառելիքով, ինչը կնպաստի նշված թաղամասերի բնակիչների կենցաղային պայմանների բարելավմանը:
Մյուս ծրագրով համայնքի հասարակական շենքերի և մշակութային կենտրոնների վերանորոգման աշխատանքներ կիրականացվեն: Մասնավորապես՝ կվերանորոգվեն Բերքանուշ, Մխչյան, Մրգավան, Վարդաշեն և Վերին Արտաշատ բնակավայրերի մշակույթի տները:
Նշված աշխատանքների արդյունքում կնվազեն հիշյալ կառույցների պահպանման ծախսերը, բնակավայրերն առավել ներկայանալի կդառնան, համայնքում կաշխուժանա մշակութային կյանքը:
Հ.Գ. եվ վերջում համայնքապետ՝ ԿԱՌԼԵՆ ՄԿՐՏՉՅԱՆՆ ասաց, որ իր ողջ ռեսուրսներն ու աշխատակազմի ջանքերը միտված են հանուն Արտաշատ համայնքի բարեկեցության ապահովմանը:
Հարցազրույցը ՝ ԿԱՐԻՆԵ ՍԱՐԳՍՅԱՆԻ
