Դե, ուղղակի պետք է իրականացնել պայմանավորվածությունները, և հենց դա է երաշխիքը, շատ պարզ պատասխան։ Այս մասին ոչ շաբաթական ճեպազրույցի ժամանակ հայտարարել է ՌԴ ԱԳՆ խոսնակ Մարիա Զախարովան, պատասխանելով այն հարցին այն մասին, որ Ռուսաստանի Դաշնությունն առաջարկում է ուղիղ երկխոսություն Ստեփանակերտի և Բաքվի միջև, ադրբեջանական կողմը պնդում է իր տարածքում հանդիպում անցկացնել՝ արդյոք Ռուսաստանի Դաշնությունը երաշխավորում է հայկական պատվիրակության անդամների անվտանգությունը՝ հաշվի առնելով այն փաստը, որ ադրբեջանցիներն առևանգում են Լաչինի միջանցքում տեղակայված անցակետով անցնող հայերին։
«Եթե ինչ-որ բան պայմանավորվել եք, առավել ևս ստորագրություններով կնքել, հատկապես՝ ամենաբարձր մակարդակով, պետք է դա իրականացնել, այլ ոչ թե այլ մեկնաբանություններ անել, նոր կոնստրուկցիաներ հորինել, ներգրավել երրորդ անձանց, արդեն նույնիսկ ոչ թե երրորդ, ինչ-որ հինգերորդ և տասներորդ և ինչ-որ ուլունքների խաղի:
Պայմանավորվածություններ կան ու դրանք պետք է կատարվեն, հենց սա է երաշխիքը։ Հենց պայմանավորվածությունների կատարման մեջ անազնվություն է սկսվում, այդտեղ այլևս երաշխիքներ չկան։ Պետք է իրականացնել այն, ինչ պայմանավորվել ենք։ Ես ձեզ ասում եմ էական հարցում Հայաստանի ղեկավարության դիրքորոշման 180 աստիճանով սկզբունքային փոփոխության մասին։
Դիրքորոշումը կտրուկ փոխվել է առանցքային, այն էլ հենց Երևանի համար առանցքային հարցում։ Բայց սա Երեւանի հարցն է, սա իրենց ներքին որոշումների կայացման հարցն է եւ այլն։ Բայց կան պարտավորություններ, որոնք ձեռք են բերվել և կնքվել ստորագրություններով։ Բայց այդ պարտավորությունները, եթե չեղյալ չեն հայտարարվել, բազմիցս վերահաստատվել են, և դրանց կատարումը երաշխիք է»,- ասել է Զախարովան։