ՀԱՅԲԻԶՆԵՍԲԱՆԿԸ SatisfAI հաճախորդների փորձառության կառավարման հարթակի միջոցով առաջինը Հայաստանի բանկային համակարգում մեկնարկել է հաճախորդների գոհունակության հարցումներ՝ միջազգային հանրահայտ NPS մեթոդաբանությամբ։
Կարևորելով հաճախորդների դրական փորձառության շարունակական բարելավումը և շուկայում լավագույն ծառայությունների մատուցումը` Բանկի ֆիզիկական անձ հաճախորդները ցանկացած մասնաճյուղում կատարված գործարքի ավարտից հետո այսուհետ կստանան ՍՄՍ-հաղորդագրություն` Բանկից ստացած տպավորությունը 0-ից 10 սանդղակով գնահատելու նպատակով:
NPS հարցումը սպասարկման ոլորտում լայնորեն տարածված և ընդունված մեթոդաբանություն է, որն օգտագործվում է ընկերության հանդեպ հաճախորդների հավատարմության և բավարարվածության աստիճանը պարզելու համար: Հասկանալով հաճախորդների տրամադրվածությունը` այն թույլ է տալիս բացահայտել Բանկի գործելաոճի կամ վերջինիս մատուցած պրոդուկտների և ծառայությունների ուժեղ և թույլ կողմերը, բարելավման ենթակա ոլորտները, կատարել անհրաժեշտ փոփոխություններ՝ մատուցելով բարձրակարգ սպասարկում, հաճախորդների պահանջներին և կարիքներին համապատասխան ծառայություններ:
Առաջիկայում Բանկը նախատեսում է ընդլայնել հարցումների ուղարկման եղանակների շրջանակը` անցնելով թվային հարթակների. հարցումներն ուղարկվելու են նաև էլեկտրոնային փոստի և Մոբայլ բանկ հավելվածի միջոցով:
Նման թափանցիկ հաղորդակցումը հաճախորդների հետ համահունչ է հաճախորդների սպասարկման ոլորտում գերազանց սպասարկում մատուցելու Բանկի ռազմավարությանը: Լավագույն սպասարկման հանձնառությամբ մեր նպատակն է գերազանցել հաճախորդների սպասելիքները` տրամադրելով բացառիկ ծառայություններ:
Մենք կարևորում ենք մեր հաճախորդների կարծիքները, իսկ նրանց գոհունակությունն ու հավատարմությունը մեր գլխավոր առաջնահերթություններն են։
ՀԱՅԲԻԶՆԵՍԲԱՆԿԸ վերահսկվում է ՀՀ կենտրոնական բանկի կողմից