2023 թվականի դեկտեմբերի 11-ին Լեռնային Ղարաբաղի լեռնային ճանապարհից ռուսական խաղաղապահ զորախմբի ԲՏՌ-82-ի լեռնային ճանապարհից դուրս գալու հետևանքով ՌԴ ԶՈւ մեկ զինծառայող զոհվել է, երկուսը ստացել են միջին ծանրության և ծանր վնասվածքներ։ Այս մասին ասվում է Ռուսական խաղաղապահ զորախմբի դեկտեմբերի 12-ի տեղեկագրում։
«Ադրբեջանական կողմի մասնակցությամբ տուժած խաղաղապահներին ցուցաբերվել է անհրաժեշտ բժշկական օգնություն։ Տուժած զինծառայողները հետագա բուժման նպատակով ռուսական խաղաղապահ կոնտինգենտի օդային տրանսպորտով տեղափոխվել են ստացիոնար բուժհաստատություն»,- ասված է հաղորդագրության մեջ։
Ավելի վաղ ադրբեջանական լրատվամիջոցները հայտնել էին, որ Ստեփանակերտում վթարի է ենթարկվել ռուս խաղաղապահների զրահափոխադրիչը, ինչի հետևանքով կա մեկ զոհ և վիրավոր։
Ինչպես հայտնում է АПА-ն՝ վկայակոչելով Telegram-ի ալիքները, Ստեփանակերտում ռուսական խաղաղապահ զորախմբի զրահամեքենան շրջվել է ձորը։
Միջադեպի արդյունքում մեկ ռուս զինծառայող է զոհվել, երկուսը՝ վիրավորվել։
Տուժածներից մեկի վիճակը գնահատվում է ծանր։ Տուժածները տեղափոխվել են Ստեփանակերտի բուժհաստատություն։