Մարտի 5-ին Ադրբեջանի մայրաքաղաքում քրեական գործի շրջանակներում կայացվել է դատավճիռը Հայաստանի քաղաքացիներ Իշխան Սարգսյանի եւ Վլադիմիր Ռաֆայելյանի նկատմամբ, հայտնում են ադրբեջանական ԶԼՄ-ները: Ըստ տեղեկությունների՝ Սարգսյանը դատապարտվել է 19, Ռաֆայելյանը՝ 18 տարվա ազատազրկման։ Հայ ռազմագերիները 9 տարի իրենց պատիժը կկրեն բանտում, իսկ մնացած ժամկետը՝ խիստ ռեժիմի գաղութում։ Բաքուն շինծու գործի շրջանակներում մեղադրում է նրանց «2021 թվականի մայիսին Ադրբեջանի սահմանի ապօրինի հատման, ինչպես նաեւ Քարվաճառի (Քելբաջարի) շրջանով անցնող Ադրբեջանի ՊՆ ստորաբաժանումների մատակարարման ուղիների ականապատման մեջ։

Թուրքիայի նախագահ Թայիփ Էրդողանը Ռուսաստանի նախագահ Վլադիմիր Պուտինին փոխանցել է նրա հետ Թուրքիայում հանդիպելու Վլադիմիր Զելենսկու մտադրությունը, Անկարան կշարունակի աշխատել այդ ուղղությամբ, նշել է Թուրքիայի նախագահի խոսնակ Իբրահիմ Քալինը, փոխանցում է «ՌԻԱ Նովոստին»։ Ավելի վաղ Քալինն ասել էր, թե Զելենսկին իր թուրք գործընկեր Թայիփ Էրդողանին հայտնել է, որ պատրաստ է հանդիպել ՌԴ նախագահ Վլադիմիր Պուտինի հետ Ստամբուլում կամ Անկարայում։ «Մեր նախագահն (Էրդողանը – խմբ.) արդեն այս ուղերձը (Զելենսկու պատրաստակամության մասին – խմբ.) փոխանցել է Պուտինին։…

Ռուս-ուկրաինական հակամարտության ֆոնին Հայաստանի էկոնոմիկայի նախարարությունը լուրջ մարտահրավերներ է կանխատեսում պարենային անվտանգության մասով Այս հարցը, ըստ տնտեսագետ Հրանտ Միքայելյանի, մշտական ​​բնույթ է կրում Հայաստանի համար: NEWS.am-ի թղթակցի հետ զրույցում նա հայտարարեց, որ խնդիրը կարճաժամկետ լուծում չունի, բայց ամեն դեպքում դրանով պետք է զբաղվել։ Իսկ ի՞նչ անել Նախ, ըստ տնտեսագետի, պետք է խրախուսել տեղական արտադրությունը եւ առավելագույնս օգտագործել չմշակվող գյուղատնտեսական հողերի ներուժը։ Նշենք, որ տարբեր տվյալներով, Հայաստանում չմշակվող վարելահողերի մասնաբաժինը 50 տոկոս է կազմում։ Երկրորդ՝ ամենալուրջ ուշադրությունը…

ՀՀ նորընտիր նախագահ Վահագն Խաչատուրյանի երդմնակալության արարողությունը կկայանա  մարտի 13-ին։ Այս մասին NEWS.am-ը տեղեկանում է ԱԺ կայքից։ «Հայաստանի Հանրապետության Ազգային ժողովը 2022 թվականի մարտի 3-ին Հանրապետության նախագահ է ընտրել Վահագն Գառնիկի Խաչատուրյանին: Հայաստանի Հանրապետության Սահմանադրության 127-րդ եւ «Ազգային ժողովի կանոնակարգ» սահմանադրական օրենքի 49-րդ հոդվածների համաձայն՝ Հանրապետության նախագահը պաշտոնը ստանձնում է Ազգային ժողովի հատուկ նիստում, որը կգումարվի Հանրապետության նախագահի ընտրվելուց հետո տասներորդ օրը՝ մարտի 13-ին, ժամը 12:00-ին»,-նշված է ՀՀ ԱԺ նախագահի տեղակալ, ԱԺ նախագահի լիազորությունները կատարող Հակոբ…

Մոսկվա-Երեւան-Մոսկվա ուղղությամբ չվերթների ավիատոմսերը վերջին օրերին կտրուկ թանկացել են՝ 250 ԱՄՆ դոլարից հասնելով 1250 ԱՄՆ դոլարի։ Այս մասին NEWS.am-ի հետ զրույցում ասաց «ՋՈԵԼ» միջազգային բեռնափոխադրումների եւ տուրիստական ընկերության տնօրեն Սոնա Եղիազարյանը։ «Շատ են թանկացել Մոսկվա-Երեւան-Մոսկվա չվերթների ավիատոմսերը. երկկողմանի տոմսերի գները տատանվում են 1250-ից 1350 դոլարի սահմանում, ընդ որում, առանց ուղեբեռի 1300 դոլար է։ Իսկ, օրինակ,  «ՆՈՐԴՎԻՆԴ» ավիաընկերության  տոմսերի գինը հասնում է մինչեւ 2000 դոլարի»,- նշեց նա։ Ըստ Սոնա Եղիազարյանի՝ ավիատոմսերի թանկացումը պայմանավորված է ռուս-ուկրաինական ռազմական գործողություններով։…

ՍԱՏՄ պաշտոնական էջից տեղեկանում ենք՝ Նկատի ունենալով տարվա այս ժամանակահատվածում բուսասանիտարական բեռների սահմանային շրջանառության ակտիվացումն ու դրանով պայմանավորված վերահսկողության ծանրաբեռնվածությունը՝ Այսօր ՀՀ սննդամթերքի անվտանգության տեսչական մարմնի ղեկավար Գեորգի Ավետիսյանն ու նրա տեղակալ Նարեկ Հայրապետյանն այցելել են ՍԱՏՄ վերահսկողություն սահմանային 5 կետերից ամենահարավայինը՝ Ագարակի սահմանային հսկիչ կետ: Անասնաբուժական և բուսասանիտարական վերահսկողության առանձնակատկությունները բավականին ժամանակ ու մասնագիտական հմտություններ են պահանջում՝ բեռների ստուգումը պատշաճ, որակով ու ժամանակին իրականացնելու համար: Ագարակի սահմանային հսկիչ կետում ՍԱՏՄ ղեկավարները ծանոթացել ու գնահատել…