Կառավարությունն իր այսօրվա՝ նոյեմբերի 30-ի նիստում որոշում կայացրեց, որով  ոչ շահավետ է դառնում ավտոմեքենաների «ձևական» ժամանակավոր ներմուծումը: Որոշման հիմնավորման մեջ նշվում է. ԵԱՏՄ անդամ չհանդիսացող պետություններում (հիմնականում Վրաստանում) թեթև մարդատար ավտոմեքենաների մաքսային ձևակերպման վճարների չափերի՝ԵԱՏՄ-ում նախատեսված վճարների չափերի համեմատ ցածր լինելու պատճառով Հայաստանում այդ ավտոմեքենաները օրենքով սահմանված կարգով ձևակերպելու և գրանցելու փոխարեն ձևակերպվում և գրանցվում են այդ երկրներում (հիմնականում Վրաստանում) և ներմուծվում ու տնօրինվում են ՀՀ-ում «ձևական» ժամանակավոր ներմուծում ձևակերպելու ճանապարհով: Ներկա պահին Հայաստանի տարածքում…

Վաղվանից ձմեռ է միայն օրացույցով, իսկ եղանակային առումով` դեռ կատարյալ ջերմ աշուն: Ֆեյսբուքյան էջում գրել է ՇՄՆ հիդրոօթերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը։

Սկոպյեում ԵԱՀԿ նախարարական համաժողովի շրջանակներում Հայաստանի և Ադրբեջանի ԱԳ նախարարների հանդիպում չի նախատեսվում: Այս մասին «Ազատությանը» հայտնել է Հայաստանի ԱԳՆ խոսնակ Անի Բադալյանը: Հայաստանի արտաքին քաղաքականության գերատեսչության ղեկավար Արարատ Միրզոյանը նախօրեին է մեկնել Հյուսիսային Մակեդոնիայի մայրաքաղաք, որտեղ արդեն մի շարք հանդիպումներ է ունեցել, այդ թվում՝ Միացյալ Նահանգների պետքարտուղար Էնթոնի Բլինքենի, Եվրամիության արտաքին գործերի ու անվտանգության քաղաքականության հարցերով բարձր ներկայացուցիչ Ժոզեպ Բորելի հետ:

ԱՄՆ դոլարի փոխարժեքն այսօր՝ նոյեմբերի 30-ին, կազմել է 402.65  դրամ՝ նախորդ օրվա համեմատ աճել է 0.15 դրամով: Այդ մասին տեղեկանում ենք Կենտրոնական բանկի պաշտոնական կայքից։ Եվրոյի փոխարժեքը կազմել է 439.49 դրամ (նվազել է 2.29 դրամով), բրիտանական ֆունտի փոխարժեքը կազմել է 509.03 դրամ (նվազել է 1.50 դրամով), իսկ ռուսական ռուբլու փոխարժեքը կազմել է 4.54 դրամ (աճել է 0.02 դրամով): Հայաստանյան բանկերում դոլարը գնվում է 398-402 դրամով, վաճառվում է 405-408 դրամով: Եվրոն բանկերում գնվում է 431-440 դրամով,…

Այս պահին 750 բեռնատար դուրս է եկել Հայաստանի սահմանից, մի մասը դեռ Վրաստանում է, մյուս մասը՝ արդեն Լարսում։ Այս մասին  ասաց ՌԴ-ում ՀՀ դեսպանության մաքսային կցորդ Վահան Հակոբյանը։ «Հակառակ ուղղությամբ մոտ 900 բեռնատարներ ունենք։ Ճանապարհը փակ էր մինչև երեկ, երեկ երեկոյան երթևեկությունը արդեն բեռնատարների համար վերականգնվել է, և բեռնատարները սկսել են դեպի Լարս շարժվել»,- նշեց Հակոբյանը։ Անդրադառնալով ֆիտոսանիտարիայի առնչությամբ խնդրին՝ Հակոբյանն ասաց, որ այդ խնդիրը շարունակում է մնալ. «Այդ խնդիրը շարունակում է մնալ, և հետ վերադարձած…

Համացանցում տեսանյութ է տարածվել, որում երևում է, որ անհայտ անձը արժանապատվությունը նվաստացնող խոսքերով օտարերկրացի տղամարդուն ստիպում է հանել զինվորական բաճկոնը: ՄԻՊ-ն անդրադարձել է միջադեպին: «Մարդու իրավունքների պաշտպանի հանձնարարությամբ աշխատակազմն ուսումնասիրում է համացանցում լայն տարածում գտած տեսանյութը, որում անհայտ անձն արժանապատվությունը նվաստացնող խոսքերով օտարերկրացի տղամարդուն ստիպում է հանել զինվորական բաճկոնը: Պաշտպանն ընդգծում է՝ անհրաժեշտ է, որ միջադեպի բոլոր հանգամանքները դառնան պատշաճ քննության առարկա։ Պարզաբանումներ ստանալու նպատակով տեսանյութը համապատասխան գրությամբ ուղարկվելու է պետական իրավասու մարմին»,- ասված է…

Հայաստանը շարունակում է պատրաստ լինել բանակցություններին, և մեզ անհրաժեշտ է, որ Ադրբեջանը դադարի մերժել  հանդիպելու և խաղաղության պայմանագիրը վերջնականացնելու՝ միջնորդների առաջարկները։ Այս մասին իր ելույթում ասել է ՀՀ ԱԳՆ Արարատ Միրզոյանը  ԵԱՀԿ նախարարական 30-րդ համաժողովին: «Հարգելի՛ գործընկերներ, Նախևառաջ կցանկանայի շնորհակալություն հայտնել Հյուսիսային Մակեդոնիայի նախագահությանը ԵԱՀԿ-ում` վերջին մեկ տարվա ընթացքում այս կազմակերպությունն առաջնորդելու համար: Իսկապես դա հեշտ գործ չէր, քանի որ ԵԱՀԿ-ն, որը դեռևս հանդիսանում է աշխարհի ամենամեծ անվտանգային կազմակերպությունը, արագորեն հետընթաց է ապրում, քանի որ…

Այս հնագույն գինեգործական երկիրը երբեք չի գտնվել իմ տեսադաշտում։ Գուցե այն պատճառով, որ քիչ հայկական գինիներ են հասանելի ԱՄՆ-ում, կամ որովհետեւ տեղի խաղողի շատ տեսակներ ԱՄՆ-ում մեզ ծանոթ չեն։ Իհարկե, չի օգնում նաեւ այն, որ երկիրը իր երկարատեւ գինեգործական պատմության մեծ մասի ընթացքում ենթարկվել է  պատերազմների տարբեր կողմերից, գրել է Լիզա Ցիմերմանը Forbes ամսագրի իր հոդվածում։ Կովկասի, առաջին հերթին՝ Հայաստանի եւ Վրաստանի խաղողի տեսակները երբեք չեն հայտնվել Արեւմտյան Եվրոպայում։ Արդյունքում՝ ԱՄՆ եւ Եվրոպայի սպառողների մեծ…

ՌԴ կառավարության նախագահ Միխայիլ Միշուստինը հեռախոսազրույց է ունեցել Ադրբեջանի վարչապետ Ալի Ասադովի հետ։ Ինչպես հաղորդում է ՌԴ Նախարարների կաբինետի մամուլի ծառայությունը, կառավարությունների ղեկավարները քննարկել են ռուս-ադրբեջանական առևտրատնտեսական համագործակցության ընթացիկ հարցեր։ Առանձնահատուկ ուշադրություն է դարձվել ԱՊՀ-ում փոխգործակցության ակտիվացմանը։