Հոկտեմբերի 22-ին ցերեկվա ժամերին հանրապետության առանձին վայրերում սպասվում են կարճատեւ անձրեւներ։ Քամին՝ հյուսիսարեւմտյան, 2-5 մ/վրկ։ Օդի ջերմաստիճանը առաջիկա 3 օրերին աստիճանաբար կբարձրանա 2-5 աստիճանով։ Ինչպես տեղեկացրել են «Հայպետհիդրոմետում», Երեւանում սպասվում է առանց տեղումների եղանակ։ Առաջիկա գիշեր մայրաքաղաքում կլինի +2+4, վաղը ցերեկը՝ +13+15։ Օդի ջերմաստիճանը մարզերում. Շիրակում գիշերը՝ -1-6, ցերեկը՝ +6+9, Կոտայքի լեռներում գիշերը՝ -2-5, ցերեկը՝ +5+8, Կոտայքի նախալեռներում գիշերը՝ 0+2, ցերեկը՝ +10+12, Սեւանա լճի ավազանում գիշերը՝ -3-7, ցերեկը՝ +5+8, Լոռիում գիշերը՝ -3+1, ցերեկը՝ +9+12, Տավուշում գիշերը՝…

Գիտնականները հայտնել են, որ հակաբիոտիկների արդյունավետությունը սրընթաց նվազում է։ Այս մասին գրել է Bild թերթը։ «Մենք նորից կորցնում ենք ժամանակակից բժշկության ձեռքբերումները եւ վերադառնում պենիցիլինի հայտնաբերման ժամանակներ»,- ասել է Ինֆեկցիոն  թերապիայի ընկերության նախագահ Մաթիաս Պլետցը։ Հրապարակման հեղինակները նշել են հակաբիոտիկների արդյունավետության նվազման երկու հիմնական պատճառ՝ հակաբիոտիկների չվերահսկվող օգտագործումը անգամ շնչառական հիվանդությունների բուժման համար եւ COVID-19 համավարակից հետո զբոսաշրջային ուղեւորությունների թվաքանակի ավելացումը։ Նշվել է, որ հակաբիոտիկները հաճախ նշանակվում են չվերահսկվող ձեւով, երբեմն դրանց որեւէ անհրաժեշտություն չկա։ Արդյունքում՝…

Հոկտեմբերի 14-ից Երևանի Մետրոպոլիտենը 100%-ով անցել է միասնական տոմսային համակարգին: Այս մասին, այսօր՝ հոկտեմվերի 21-ին, Երևանի քաղաքապետարանի հերթական գործակարգավարական խորհրդակցության ժամանակ հայտնել է Մետրոպոլիտենի տնօրեն Բաբկեն Սեդրակյանը։ Քաղաքապետ Տիգրան Ավինյանն էլ նշել է, որ հաջորդ տարվանից միասնական տոմսային համակարգին անցումը շատ ավելի սահուն կլինի, քանի որ փաստացի բոլոր կայարաններն անցել են միասնական տոմսային համակարգի սպասարկմանը։

Խնդրում ու առաջարկում ենք նվազագույնը նոյեմբերի 1-ից տրանսպորտից օգտվելիս վճարման ընդամենը երկու եղանակ օգտագործեք: Այս մասին, այսօր՝ հոկտեմբերի 21-ին, Երևանի քաղաքապետարանի գործակարգավարական խորհրդակցության ժամանակ հայտարարեց Երևանի քաղաքապետ Տիգրան Ավինյանը «Առաջինը 100 դրամանոց մետաղադրամ ունենալն է, որը թույլ կտա միանգամից այն թողնել սարքի մեջ, երկրորդը, որ արդեն միասնական տոմսային համակարգի նախնական մասնիկն է, հենց էլեկտրոնային տոմսն է, որը կարող եք գնել տերմինալներից՝ QR կոդով, բայց ամենապարզ և հասարակ մեթոդը հեռախոսից, սմարթֆոնից օգտվելն է, այս պահի դրությամբ…

Մարդու իրավունքների պաշտպանի հաստատության 20-ամյակի առթիվ մեկնարկել է «Օմբուդսմանական/ Մարդու իրավունքների ազգային հաստատությունները ճգնաժամային իրավիճակներում. ճկունություն և մարտահրավերներ» խորագրով երկօրյա բարձր մակարդակի միջազգային համաժողովը։ Ինչպես  հայտնում են ՄԻՊ աշխատակազմից, հոկտեմբերի 21-22-ն անցկացվող միջոցառմանը մասնակցում են Եվրոպայի խորհրդի անդամ պետությունների ՄԻՊ հաստատությունների և իրավահավասարության մարմինների ղեկավարներ և ներկայացուցիչներ ավելի քան 15 պետություններից։ Եվրոպայի խորհրդի Մարդու իրավունքների հանձնակատար պարոն Մայքլ Օ՛Ֆլահերթին բարձր մակարդակի միջազգային համաժողովին առցանց ձևաչափով հանդես է գալու հիմնական ելույթով։ Միջոցառմանը հյուրընկալվել են նաև Մարդու…

ԱՄՆ դոլարի փոխարժեքն այսօր՝ հոկտեմբերի 21-ին, կազմել է 387.16 դրամ՝ նախորդ օրվա համեմատ նվազելով 0.09 դրամով: Այդ մասին տեղեկանում ենք Կենտրոնական բանկի պաշտոնական կայքից։ Եվրոյի փոխարժեքը կազմել է 419.99 դրամ (աճել է 0.02 դրամով), բրիտանական ֆունտի փոխարժեքը կազմել է  504.20 դրամ (նվազել է 0.97 դրամով), իսկ ռուսական ռուբլու փոխարժեքը կազմել է 4.03 դրամ (աճել է 0.01 դրամով): Հայաստանյան բանկերում դոլարը գնվում է 384-386,5 դրամով, վաճառվում է 388.25-391 դրամով: Եվրոն բանկերում գնվում է 411-418 դրամով, վաճառվում…

Հանրապետության նախագահ Վահագն Խաչատուրյանը մասնակցել է «Օմբուդսմանական և Մարդու իրավունքների ազգային հաստատությունները ճգնաժամային իրավիճակներում. դիմակայունություն և մարտահրավերներ» խորագրով միջազգային համաժողովի մեկնարկի արարողությանը: Խորհրդաժողովը նվիրված է Հայաստանի Մարդու իրավունքների պաշտպանի հաստատության հիմնադրման 20-ամյակին: Միջոցառման ընթացում Հանրապետության նախագահը ողջունել է բարձր մակարդակի համաժողովի անցկացումը և հանդես է եկել ելույթով: «Սրտանց շնորհավորում եմ բոլորիս Հայաստանի Մարդու իրավունքների պաշտպանի հաստատության հիմնադրման 20-ամյակի կապակցությամբ և ողջունում այսօրինակ բարձր մակարդակի համաժողովի անցկացումը, որը շատ լավ հնարավորություն է անդրադառնալ մարդու և քաղաքացու…

Հոկտեմբերի 21-ին գումարվել է Ազգային ժողովի խորհրդի նիստ, որը վարել է ՀՀ ԱԺ նախագահ Ալեն Սիմոնյանը: ԱԺ-ից  հայտնում են, որ քննարկվել եւ հաստատվել են ԱԺ ութերորդ գումարման ութերորդ նստաշրջանի օրակարգում լրացումներ կատարելու մասին եւ հոկտեմբերի 22-ին գումարվող հերթական նիստերի օրակարգի նախագծերը: Սահմանվել է հերթական նիստերի օրակարգային հարցերի քննարկման հաջորդականությունը: Հոկտեմբերի 22-ին գումարվող հերթական նիստերի օրակարգի նախագծում ընդգրկվել է 40 հարց: ԱԺ խորհուրդը հաստատել է Ազգային ժողովի մշտական հանձնաժողովներում եւ դրանց համատեղ նիստերում «Հայաստանի Հանրապետության 2025 թվականի…

ՀՀ Ազգային ժողովի կողմից ընդունված ««Ճանապարհային երթևեկության անվտանգության ապահովման մասին» օրենքում լրացումներ և փոփոխություն կատարելու մասին» և «Վարչական իրավախախտումների վերաբերյալ ՀՀ օրենսգրքում փոփոխություններ և լրացումներ կատարելու մասին» օրենքների նախագծերի փաթեթով կկանոնակարգվի անհատական շարժունակության (տեղաշարժման) միջոցներով երթևեկությունը։ Օրենսդրական փոփոխություններով սահմանվել է. • «անհատական շարժունակության միջոց» հասկացությունը, որը գործող կարգավորումներով բացակայում էր։ Ըստ այդմ՝ անհատական շարժունակության (տեղաշարժման) միջոցը մեկ կամ մի քանի անիվ (գլանափող) ունեցող տրանսպորտային միջոց է, որը նախատեսված է էլեկտրական շարժիչի օգտագործմամբ մարդու անհատական տեղաշարժման…

  Անհատ ձեռնարկատեր Արեգա Մարտիրոսյանին պատկանող հանրային սննդի օբյեկում անցկացրած կրկնակի ստուգայցի ընթացքում ՀՀ սննդամթերքի անվտանգության տեսչական մարմնի Երևանի կենտրոնի տեսուչները խախտումներ չեն հայտնաբերել (ք․ Երևան, Էրեբունի փ․): ՍԱՏՄ ղեկավարի որոշմամբ՝ հանրային սննդի օբյեկտի արտադրական գործունեության կասեցումը վերացվել է։