Ռուսական կողմի նախաձեռնությամբ ապրիլի 1-ին հեռախոսազրույց է տեղի ունեցել Ռուսաստանի Դաշնության արտաքին գործերի նախարար Սերգեյ Լավրովի և Թուրքիայի արտաքին գործերի նախարար Հաքան Ֆիդանի միջև։ Մարտի 1-ի Անթալիայի դիվանագիտական ​​ֆորումի շրջանակներում բանակցությունների զարգացման ընթացքում նախարարները քննարկել են տարածաշրջանային օրակարգի ընթացիկ հարցեր՝ շեշտը դնելով Սևծովյան տարածաշրջանում, ինչպես նաև Հարավային Կովկասում տիրող իրավիճակի վրա, այդ թվում՝ տարածաշրջանային «3+3» հարթակի գործունեության զարգացման համատեքստում։ Անդրադարձ է եղել ռուս-թուրքական համագործակցության որոշակի ասպեկտներին, տարբեր մակարդակներով առաջիկա շփումների ժամանակացույցին։

ՌԴ ՆԳՆ-ն կառավարություն է ներկայացրել օրինագիծ, որը նպատակ ունի ընդլայնել գերատեսչության լիազորություններն օտարերկրացիների հանդեպ։ Առաջարկվում է երկիր եկած օտարերկրացիների կեցության ժամկետը կրճատել՝ հասցնելով տարեկան 90 օրվա, հայտնել է ՆԳՆ պաշտոնական ներկայացուցիչ Իրինա Վոլկը, փոխանցել է «Ведомости»-ն։ Գերատեսչության  հաղորդման մեջ նշվում է, որ նախագիծը սահմանում է մի շարք իրավական լրացուցիչ հիմնավորումներ։ Փաստաթուղթը նախատեսում է անձի կենսաչափական նույնականացման կիրառում Ռուսաստան մտնելիս եւ կեցության միասնական փաստաթուղթ միգրանտների համար։ Օտարերկրացիների համար կստեղծեն թվային պրոֆիլ, որը կվերահսկի երկրում կենալու ռեժիմը…

ՊԵԿ նախագահի տեղակալ Աշոտ Մուրադյանի գլխավորած պատվիրակությունը՝ տեսակոնֆերանսի ձևաչափով, մասնակցել է Հայաստանի և Եվրամիության միջև կնքված Համապարփակ և ընդլայնված գործընկերության համաձայնագրի ներքո գործող Մաքսային հարցերով ենթակոմիտեի չորրորդ նիստին։ ՊԵԿ-ից  հայտնում են, որ նիստի ընթացքում քննարկվել են մաքսային ոլորտին առնչվող գործընթացները, ինչպես նաև երկկողմ հետաքրքրություն ներկայացնող դրույթները, որոնց մասով Եվրոպական միությունը կարող է աջակցություն տրամադրել: Կողմերը ներկայացրել են իրենց մաքսային օրենսդրություններում վերջին մեկ տարվա ընթացքում տեղի ունեցած փոփոխությունները, ինչպես նաև մաքսային համագործակցության ուղղությամբ ԵՄ տեխնիկական գործիքների օգտագործման…

Այս տարի մի քանի կարևոր ուղղություններով ավտոբուսների առանձնացված գծեր կսահմանվեն: Այս մասին, այսօր՝ ապրիլի 1-ին, Երևանի քաղաքապետարանի գործակարգավորական նիստի ժամանակ ասել է քաղաքապետ Տիգրան Ավինյանը։ «Առանձնացված գծերը Երևանում էապես կրճատելու են մարդկանց տեղաշարժի ժամանակը: Սա ապացուցված փաստ է, իհարկե, անհատ վարորդների համար որոշակի անհարմարություններ են առաջանալու, բայց այն մարդիկ, ովքեր օգտվելու են հանրային տրանսպորտից, էականորեն ավելի կարճ ժամկետում են մի կետից մյուսը տեղափոխվելու։ Պետք է քննարկում՝ հասկանալու, թե ավտոբուսային առանձնացված գծերով ինչ այլ տրանսպորտային տեսակներ…

Երուսաղեմում բախումներ են տեղի ունեցել ոստիկանության և հարյուրավոր ցուցարարների միջև, հայտնում է Times of Israel-ը։ Լրատվամիջոցի հաղորդմամբ, շուրջ 200 ցուցարար ճեղքել է ոստիկանական պատնեշը՝ Իսրայելի վարչապետ Բենիամին Նաթանյահուի նստավայրից մոտ 100 մետր հեռավորության վրա։ Կեսարիայում ոստիկանությունը ձերբակալել է ցուցարարներին, որոնք փակել էին ճանապարհները Նաթանյահուի առանձնատան մոտ և վանկարկել նրա հրաժարականը։ Ցուցարարները հավաքվել են նաև Սդերոտում, Օր Ակիվայում և Բեեր Շևայում՝ պատանդների ընտանիքի անդամների հրապարակային հայտարարությունից հետո, որոնք երկրի վարչապետին պատանդների ազատ արձակման «համաձայնության խոչընդոտ» են…

Այսօր՝ մարտի 31-ին, Թուրքիայում մեկնարկել են մունիցիպալ ընտրությունները։ Քվեարկությունը սկսվել է երկրի հարավարևելքում։ Այստեղ ընտրատեղամասերը բացվել են ժամը 07:00-ին։ Ընդհանուր առմամբ, ընտրություններն ամբողջ երկրում սկսվել են ժամը 08:00-ին և կտևեն մինչև տեղական ժամանակով ժամը 17:00-ը։ Թուրքիայի Կենտրոնական ընտրական հանձնաժողովի (ԿԸՀ) որոշմամբ ընտրությունների ժամանակացույցում փոփոխություններ են կատարվել՝ հաշվի առնելով մահմեդականների սուրբ Ռամադան ամսվա առանձնահատկությունները։ Այս փոփոխությունները կտարածվեն 81 մարզերից 32-ի վրա։

Գարդման, Շիրվան, Նախիջևան համահայկական միությունը շնորհավորել է Սուրբ Զատկի նվիրական տոնի կապակցությամբ եւ հայտարարություն տարածել: «Այսօր Հայ Առաքելական Սուրբ եկեղեցին նշում է տաղավար տոներից մեկը` Քրիստոսի հարության տոնը։ Հայաստանի եկեղեցիներում մատուցվում է պատարագ` ի նշանավորում համաքրիստոնեական այս Սուրբ իրադարձության, սակայն ցավով պետք է արձանագրել, որ այսօր լռում են Լեռնային Ղարաբաղի եկեղեցիները, որոնց ճնշող մեծամասնությունը դարերի պատմություն ունեն և ուղեկցել են հայ ժողովրդին իր պատմության դժնդակ շրջափուլերում։ Սակայն միայն Լեռնային Ղարաբաղի քրիստոնեական միջավայրը չէ, որ այսօր…

Հայաստանի եւ Վրաստանի օրենսդիր մարմինների կրթության ու գիտության ոլորտը համակարգող հանձնաժողովների նախագահները ստորագրել են համագործակցության համատեղ հայտարարություն: Այս մասին հայտնում են ՀՀ ԱԺ-ից: Նշվել է, որ Վրաստանի հետ հարաբերությունների խորացումը ռազմավարական նշանակություն ունի մեր երկրի համար: