ՀՀ ՍԱՏՄ-ից փոխանցում են, որ հայկական 16 կազմակերպությունների կողմից գյուղմթերք Ռուսաստան ներմուծելու արգելանքի հետ կապված խնդիրների շուրջ այսօր տեսազրույցի ձևաչափով բանակցել են Հայաստանի Հանրապետության սննդամթերքի անվտանգության տեսչական մարմնի ղեկավար Արմեն Հայրապետյանը և ՌԴ անասնաբուժության և բուսասանիտարիայի հսկողության դաշնային ծառայության ղեկավար Սերգեյ Դանկվերտը: Քննարկումներին մասնակցել է նաև Եվրասիական տնտեսական հանձնաժողովի հարթակում ԵՏՀ արդյունաբերության և ագրոարդյունաբերական համալիրի նախարար Գոհար Բարսեղյանը: Խնդրի վերաբերյալ հայկական կողմի ուսումնասիրությունների այս փուլի տվյալների քննարկման արդյունքում համաձայնություն է ձեռք բերվել երկուշաբթի օրը վերացնել…

Օգոստոսի 2-ին Գեղարքունիքի մարզպետ Կարեն Սարգսյանը և ՀՀ վիճակագրական կոմիտեի նախագահ Ստեփան Մնացականյանն անցկացրին Հայաստանի Հանրապետությունում 2024 թվականին իրականացվող գյուղատնտեսական համատարած հաշվառման նախապատրաստման և անցկացման մարզային հանձնաժողովի նիստը։ Գեղարքունիքի մարզպետի աշխատակազմից NEWS.am-ին տեղեկացնում են, որ հանդիպմանը մասնակցել են ՀՀ ՆԳՆ ոստիկանության Գեղարքունիքի մարզային վարչության պետ Արթուր Զոհրաբյանը, մարզի համայնքների ղեկավարներ, Գեղարքունիքի մարզպետի աշխատակազմի և ՀՀ վիճակագրական կոմիտեի պատասխանատու աշխատակիցներ։ ՀՀ վիճակագրական կոմիտեի նախագահ Ստեփան Մնացականյանը, ըստ սահմանված օրակարգի, ներկայացրել է 2024 թվականի հոկտեմբերի 11-ից մինչև 31-ը…

«Թրանսփարենսի Ինթերնեշնլ հակակոռուպցիոն կենտրոն» (ԹԻՀԿ) հասարակական կազմակերպության «Հակակոռուպցիոն դպրոց» ծրագրի շրջանակներում Փամբակ և Ապարան խոշորացված համայնքների ՏԻՄ աշխատակիցների և համայնքային ծառայողների համար ճանաչողական այց էր կազմակերպվել ՀՀ հակակոռուպցիոն կոմիտե, որտեղ նրանց ընդունել է Կոմիտեի նախագահ Սասուն Խաչատրյանը: Հանդիպման ընթացքում Կոմիտեի նախագահը ներկայացրել է Հակակոռուպցիոն կոմիտեի շուրջ երեք տարվա գործունեության արդյունքները, խոսել կոռուպցիայի տեսակների ու պատճառների, տարբեր բնագավառներում առկա կոռուպցիոն ռիսկերի ու հետևանքների, դրանց դեմ պայքարի մեխանիզմների մասին: Պատասխանելով ՏԻՄ աշխատակիցներին ու համայնքային ծառայողներին հետաքրքրող հարցերին՝…

Վերաքննիչ վարչական դատարանը (վարչական գործ ՎԴ5/0260/05/23, հասանելի է հետևյալ հղումով) հաշմանդամության երրորդ խումբ սահմանելու վերաբերյալ որոշում ընդունելուն պարտավորեցնելու պահանջի վերաբերյալ Վարչական դատարանի վճռի դեմ բերված վերաքննիչ բողոքը մերժել և պատճառաբանությունների հիմքում, ի թիվս այլնի, դրել է նաև Մարդու իրավունքների պաշտպանի 2023 թվականի տարեկան հաղորդումը։ Մասնավորապես, Վերաքննիչ վարչական դատարանը ուշադրություն է հրավիրել ՀՀ մարդու իրավունքների պաշտպանի 2023 թվականի տարեկան հաղորդմամբ ներկայացված հաշմանդամություն ունեցող անձ ճանաչելու գործընթացի, գնահատման արդյունքում յուրաքանչյուր անձի կարիքից բխող հասցեական ծառայությունների և աջակցող միջոցների…

Նախաքննության ընթացքում տվյալներ են ստացվել այն մասին, որ Լոռու մարզում հաշվառված 41-ամյա տղամարդը՝ Վ․Մինասյանը, նպատակ ունենալով տիրանալ ուրիշի գույքին, նախ ամենայն մանրամասնություններով ուսումնասիրել է իր զոհերին, տվյալներ հավաքագրել նրանց ունեցվածքի և իր նպատակներն իրագործելու համար կարևոր նշանակություն ունեցող այլ հանգամանքների մասին: Հայտնում են ՀՀ  քննչական կոմիտեից: Այնուհետև, իր նպատակին հասնելու համար, նա ստել է, թե տարբեր ոլորտներում, իշխանության կազմում, իբր, ծանոթներ և անհրաժեշտ կապեր ունի, որոնք կարող է օգտագործել՝ տարաբնույթ խնդիրներ լուծելու համար։ Այդ կերպ…

Ֆրանսիայի ՆԳՆ-ն կոչ է արել իր քաղաքացիներին հնարավորինս արագ լքել Իրանը՝  Մերձավոր Արևելքում իրավիճակի սրման վտանգի պատճառով: «Մերձավոր Արևելքում լարվածության և էսկալացիայի վտանգի պատճառով ֆրանսիացի բոլոր քաղաքացիներին, որոնք գտնվում են Իրանում, խստորեն խորհուրդ է տրվում հնարավորինս շուտ լքել երկիրը», – ասվում է գերատեսչության հայտարարության մեջ, հայտնում է Reuters-ը: Հայտարարության մեջ նշվում է նաև, որ ֆրանսիացիները պետք է որոշ ժամանակ ձեռնպահ մնան Իրան մեկնելուց։

Մարզվելուց հետո սառը ցնցուղ կամ լոգանք ընդունելը կարող է խանգարել մկանային զանգվածի աճին: Այս մասին Daily Mail-ին են պատմել ամերիկացի մարզիչ և սննդաբան Ռոնդա Պատրիկը և Հոլանդիայի Մաստրիխտի համալսարանից ֆիզիկական վարժությունների ֆիզիոլոգիայի պրոֆեսոր Լյուկ Վան Լունը։ Բժիշկ Վան Լունը նշել է, որ սառը ցնցուղը կարող է թեթևացնել մկանային ցավն ու վերացնել այտուցները։ Սակայն դա չպետք է արվի մարզման օրը։ Բանն այն է, որ մարմնի սառեցումը կարող է կրճատել ուժային վարժություններից հետո օրգանիզմում արտադրվող հատուկ սպիտակուցների…

Իսրայելի կաբինետի անդամներին արբանյակային հեռախոսներ են բաժանել հնարավոր պատերազմի սկսվելու և բջջային կապ չլինելու դեպքում։ Այս մասին հայտնում է Ynet լրատվական պորտալը։ «Կառավարության նախարարներին, և ոչ միայն կաբինետի անդամներին, արբանյակային հեռախոսներ են տրվել՝ կապված երկրի վրա Իրանի հնարավոր հարձակումների հետ», – ասվում է հրապարակման մեջ: Պարբերականը հայտնում է, որ Իսրայելի կառավարությունը ձգտում է «հնարավորն անել»՝ անխափան հեռախոսակապ ապահովելու համար։ Բարձրագույն ղեկավարությունը ստացել է նախապես գնված արբանյակային հեռախոսներ, իսկ մյուս նախարարներին հանձնարարվել է կարճ ժամկետում ձեռք…

Օգոստոսի 4-ին՝ երկաթուղայինների օրվա առիթով, ՀՀ-ում ներհանրապետական ուղղությունների գնացքները քաղաքացիներին կսպասարկեն անվճար (բացառությամբ Երևան-Գյումրի-Երևան արագընթաց գնացքի): Անվճար կերթևեկեն Երևան-Գյումրի, Երևան-Արաքս, Երևան-Երասխ, Երևան-Շորժա և հակառակ ուղղություններով գնացքները։

Կառավարությունն իր այսօրվա՝ օգոստոսի 1-ի նիտում հավանություն տվեց Հայաստանի ու Վերակառուցման և զարգացման միջազգային բանկի միջև «Հայաստանի էներգետիկ անցումն ապահովող ծրագիր» վարկային համաձայնագրին՝ 40 մլն ԱՄՆ դոլարի չափով։ Այս ծրագրով նախատեսվում է վերակառուցել «Շահումյան-2» 220/110/10 կՎ, «Մարաշ» 220/110/10 կՎ և «Եղեգնաձոր» 220/110/35 կՎ ենթակայանները։ Ենթակայաններում սարքավորումների զգալի մասը շահագործվում է ավելի քան 40 տարի։ Շահագործման մեջ գտնվող ռելեական պաշտպանության և ավտոմատիկայի սարքվածքները, բացի հին և մաշված լինելուց, չունեն ժամանակակից անհրաժեշտ միկրոպրոցեսորային սարքվածքներին բնորոշ ֆունկցիաներ, ենթակայանների…