Քաղաքականություն

Հայաստանը շատ է աշխատում Եվրամիության հետ։ Կան գերակայություններ, որոնք, նոր իրողությունների հետ կապված, վերանայվում են։ Այս մասին Ազգային ժողովում, խորհրդարանական մշտական հանձնաժողովների համատեղ նիստում, 2023թ. պետական բյուջեի կատարողականի իրականացման մասին հաշվետվության քննարկման ժամանակ, հունիսի 4-ին ասել է արտաքին գործերի նախարար Արարատ Միրզոյանը։ Դրա շնորհիվ, ինչպես նշելէ նախարարը, կողմերը փորձում են նոր փաթեթ մշակել։ Նա, մասնավորապես, նշել է երկու ուղղություն։ Դրանցից մեկը գերակայությունների վերանայումն է նոր իրողությունների հետ կապված։ «Մենք հիմա վերանայում ենք եւ շուտով կներկայացնենք…

2023թ. Հայաստանը ԵՄ-ից ստացել է բազմաթիվ գրանտներ՝ 10 մլրդ 186 մլն դրամ ընդհանուր գումարով։ Այս մասին Ազգային ժողովում, խորհրդարանական մշտական հանձնաժողովների համատեղ նիստում,  2023թ. պետական բյուջեի կատարողականի իրականացման մասին հաշվետվության քննարկման ժամանակ, հունիսի 4-ին հայտնել է ֆինանսների փոխնախարար Վահան Սիրունյանը։ Նրա խոսքով՝ այս միջոցները տրամադրել են ինչպես ԵՄ առանձին անդամ երկրներ, այնպես էլ որոշակի կառույցներ։ «Դրանցից նպատակային գրանտները կազմել են 6 մլրդ 421 մլն դրամ, իսկ ոչ պաշտոնականները՝ 3 մլրդ 765 մլն դրամ»,- նշել է…

ՀՀ Ազգային ժողովի նախագահ Ալեն Սիմոնյանի գլխավորած պատվիրակությունը պաշտոնական այցով հունիսի 3-6-ը գտնվելու է Սլովենիայի Հանրապետությունում: Այցի շրջանակում նախատեսվում են երկկողմ հանդիպումներ Սլովենիայի բարձրաստիճան պաշտոնյաների, այդ թվում՝ ՍՀ նախագահ Նատաշա Պիրց-Մուսարի, ՍՀ ԱԺ նախագահ Ուրշկա Կլակոչար Զուպանչիչի եւ ՍՀ փոխվարչապետ, արտաքին եւ եվրոպական գործերի նախարար Տանյա Ֆայոնի հետ: Պատվիրակության կազմում 12 հոգի են, այդ թվում Ազգային ժողովի արտաքին հարաբերությունների մշտական հանձնաժողովի նախագահ Սարգիս Խանդանյանը, Հայաստան-Սլովենիա բարեկամական խմբի անդամ, Ազգային ժողովի պատգամավոր Լենա Նազարյանը:        

Թուրքիայի նախագահ Ռեջեփ Թայիփ Էրդողանը  ելույթով է հանդես եկել Efes 2024 զորավարժության մասնակիցների առջեւ։ Թուրքական Milliyet-ի փոխանցմամբ Թուրքիայի նախագահը նշել է, թե զորավարժությունների նպատակը խաղաղության հաստատմանը նպաստելն է։ Էրդողանն իր խոսքում շեշտել է, որ չպետք է անտեսել Հայաստանի եւ Ադրբեջանի միջեւ խաղաղության պատուհանը։        

Իսրայելի վարչապետ Բենիամին Նեթանյահուն հիասթափված է Վաշինգտոնի վարչակազմի որոշումից Միջազգային քրեական դատարանի (ՄՔԴ) դեմ, եթե իրեն ձերբակալելու օրդեր տրվի, պատժամիջոցներ մտցնելուց հրաժարվելու մասին։ Այս մասին նա հայտնել է Sirius XM ռադիոկայանի հարցազրույցում, որից չորեքշաբթի օրը մեջբերումներ է հրապարակել Politico թերթը։ Նեթանյահուն մեկնաբանել է Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբիի հայտարարությունը, որն ընդգծել է, որ ամերիկյան գործադիր իշխանությունը չի աջակցում Կոնգրեսի կոչերին ՄՔԴ-ի դեմ պատժամիջոցներ մտցնելու մասին, եթե Իսրայելի վարչապետի եւ պաշտպանության…

ԱՄՆ-ը Մոլդովային կօգնի ռուսական ապատեղեկատվության դեմ պայքարում եւ կհատկացնի 50 մլն դոլար։ Այս մասին հայտնել է ԱՄՆ պետքարտուղար Էնթոնի Բլինքենը Մոլդովայի նախագահ Մայա Սանդուի հետ Քիշնեւում ունեցած հանդիպման ժամանակ։ «Դա կամրացնի մոլդավացիների՝ ռուսական միջատությանը դիմակայելու ունակությունը, իրականացնելու ազատ եւ արդար ընտրություններ, շարունակելու եվրաինտեգրման ուղին, ստեղծելու ավելի շատ տնտեսական հնարավորություններ»,- ասել է Բլինքենը։ ԱՄՆ-ը Մոլդովային կհատկացնի նաեւ 85 մլն դոլար էներգահամակարգի եւ էներգետիկ կայունության ամրապնդման համար։ Բլինքենը շնորհակալություն է հայտնել Մոլդովային Ուկրաինային օգնելու համար։ «Մենք շնորհակալ…

Իսրայելի իշխանություններն անջատել են կապը եւ ինտերնետը Ռաֆահում, որը գտնվում է Գազայի հատվածի հարավում, Եգիպտոսի սահմանի մոտ։ Այս մասին տեղեկացրել է  Tasnim իրանական գործակալությունը։ Գործակալության տվյալներով՝ կապը եւ ինտերնետը Ռաֆահում անջատվել են իսրայելական բանակի հրետանային եւ ավիագնդակոծությունների ուժգնացման ֆոնին։ Ինչպես նշում է Կատարի Al Jazeera հեռուստաալիքը, Իսրայելի պաշտպանության բանակը գործողություններ է կատարում Ռաֆահի հարավային եւ արեւմտյան շրջաններում, ռմբակոծում եւ գնդակոծում քաղաքի կենտրոնի բնակելի տները։ Ռաֆահի հարավում գտնվող փախստականների Իբնա եւ Շաբուրա ճամբարներում տեղակայված են իսրայելական…

Միացյալ Նահանգները չի նախատեսում ճանաչել «Թալիբան» շարժումը որպես Աֆղանստանի օրինական իշխանություն։ Այս մասին ավանդական ճեպազրույցում հայտնել է Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին՝ մեկնաբանելով Ռուսաստանի ղեկավարության հայտարարությունները թալիբների վերաբերյալ։ «Մենք ի վիճակի չենք եւ ի վիճակի չենք լինի ճանաչել «Թալիբանը» որպես Աֆղանստանի պաշտոնական ղեկավարություն»,- ասել է Սպիտակ տան ներկայացուցիչը։ Նա հավաստիացրել է, որ Ռուսաստանի կողմից թալիբների հնարավոր ճանաչումը «մյուսներին վատ ազդանշան է տվել»։ «Թալիբները չեն կատարել ոչ մի պարտավորություն, որոնք խոստացան…

Թուրքիայի անվտանգության խորհուրդն ակնկալում է, որ Բաքվի և Երևանի միջև բանակցություններում դրական առաջընթացը կհանգեցնի խաղաղության պայմանագրի ստորագրմանը։ Այս մասին ասվում է երկրի նախագահ Ռեջեփ Թայիփ Էրդողանի մասնակցությամբ Թուրքիայի Անվտանգության խորհրդի նիստի արդյունքներով ընդունված հայտարարության մեջ։ «Մենք վերահաստատեցինք մեր հույսը, որ Ադրբեջանի և Հայաստանի միջև բանակցություններում դրական զարգացումները կհանգեցնեն խաղաղության համաձայնագրի և աջակցեցինք բոլոր բարեխիղճ ջանքերին՝ ուղղված կայուն խաղաղության հաստատմանը», – ասվում է հայտարարության մեջ։ Ավելի վաղ Թուրքիայի արտգործնախարար Հաքան Ֆիդանը նշել էր, որ Անկարան ողջունում…

Երկու փողոց Թեհրանում վերանանվել է ի պատիվ ավիավթարից զոհված նախագահ Էբրահիմ Ռաիսիի եւ մեկ փողոց՝ հանրապետության արտաքին գործերի նախարար Հոսեյն Ամիր-Աբդոլահիանի անուններով։ Այս մասին տեղեկացրել է Իրանի մայրաքաղաքի քաղաքային խորհրդի մշակույթի հանձնաժողովի ղեկավար Նարգես Մադանիպուրը։ «Թեհրանի 15-րդ շրջանում Բեեսատ ավտոմայրուղին Բասիջ հրապարակի հետ հատման կետից մինչեւ Բահման հրապարակ անվանվել է ի պատիվ նահատակ այաթոլա Ռաիսիի»,- նրա խոսքերը մեջբերել է IRIB հեռուստաալիքը։ Պաստորի փողոցի արեւելյան մասը եւս անվանվել է զոհված նախագահի անունով, ավելացրել է Մադանիպուրը։ Պաստորի…