Ավելի վաղ NEWS.am-ը հայտնել էր, որ ՀՀ նախագահ Արմեն Սարգսյանը հրաժարական էր տվել հունվարի 23-ին: Նախագահի թեկնածուները պետք է առաջադրվեն մինչև փետրվարի 6-ը: Նախագահի արտահերթ ընտրությունը, ըստ օրենքի, կանցկացվի պաշտոնը թափուր մնալուց ոչ շուտ, քան քսանհինգ, եւ ոչ ուշ, քան երեսունհինգ օր հետո: Ենթադրվում է, որ ընտրությունը տեղի կունենա փետրվարի վերջին կամ մարտի սկզբին։
Առաջին փուլով ընտրվելու համար թեկնածուն պետք է ստանա ԱԺ պատգամավորների 3/4-ի քվեն, ինչը նշանակում է, իսկ իշխանական խմբակցության պատգամավորների ձայները այդքան չկան: Երկրորդ փուլում անհրաժեշտ է պատգամավորների 3/5-ի ձայները, իսկ այդքան քվե ՔՊ-ն ունի եւ միայնակ էլ կարող է ՀՀ նախագահ ընտրել: Հանրապետության նախագահը պաշտոնը ստանձնում է Ազգային ժողովի հատուկ նիստում, որը արտահերթ ընտրության դեպքում գումարվում է Հանրապետության նախագահի ընտրվելուց հետո՝ տասներորդ օրը:
Ընդդիմությունը դեռեւս նախագահի թեկնածու չի առաջադրել: