Վաղարշապատ համայնքում նախընտրական քարոզարշավը բուռն կերպով ընթանում է: Իշխանական թեկնածուն վարչական լծակներ է օգտագործում: Տարբեր գերատեսչություններից ու տարբեր համայնքներից քարոզարշավին են մասնակցում, որ տպավորություն թողնեն, թե սատարողները զգալի են: Այդ մասին մեզ փաստեց Էջմիածին քաղաքի բնակիչ:
Չկտրվելով թեմայից հիմա փորձենք անրադարձ կատարել նաև «Մայր Հայաստան» ավագանու թիմին: Ինչպես ժողովուրդն է ասում, այս թիմի անդամներից շատերը նախկին համայքնապետ են, իրենց գյուղերում ավելի շատ հարգանք են վայելում ՝ գործերով , քան այն մարդիկ, ովքեր նշանակվել են և տեղից միայն թղթով են խոսում ժողովրդի մասին / ոչ մի հոգս չհոգալով/, ժողովրդի անունից:
Ավագանու ընտրություններին մասնակցելու է ութ քաղաքական ուժ, բայց արդյո՞ք բոլոր քաղաքական ուժերն են /թիմերը/ հավասար պայմաններում քարոզարշավն իրականացնում: Այս և նախընտրական ծրագրերի շուրջ զրուցեցինք « Մայր Հայաստան» ավագանու ցուցակը գլխավորող, Վաղարշապատ համայնքի ղեկավարի թեկնածու ԳՐԻՇԱ ՀԱՐՈՒԹՅՈՒՆՅԱՆԻ հետ:
-Պարո՛ն Հարությունյան, մենք գիտենք , որ Դուք համայնքը ղեկավարելու փորձ ունեք , Դողս համայնքի ղեկավարել եք տարիներ շարունակ: Ներկայացրեք Ձեր փորձն ու կատարած աշխատանքները , որ իրականացրել եք համայնքում:
-2016 թվականին ընտրվել եմ Դողս համայնքի ղեկավար: Գյուղի ընտրողների մեծամասնության քվեն եմ ստացել , և ընտրվելուց հետո իրականացրել եմ այն ծրագրերը որոնք խոստացել էի նախքան ընտրվելս:
Գյուղում ընդամենը մի քանի լուսավարման սյուն կար, այն էլ միայն կենտրոնական հատվածում, ես կատարեցի լուսավորման մի ամբողջական ծրագիր , որի արդյունում այսօր Դողսը ամբողջովին լուսավորված է ինչպես գլխավոր այնպես էլ երկրորդային փողոցները:Հոսանքագիծը, որը նախկինում գերեզմանոց չէր հասնում, ես անցկացրել եմ մինչև այնտեղ, որ մեր գյուղացիները անհրաժեշտության դեպքում խնդիր չունենան իրենց գործերը կատարելուց: Ջրագիծ չկար նույն վայրում, կրկին ես եմ հասցրել այնտեղ, որը նույնպես անհարժեշտություն էր մեր գյուղացիների կարիքները հոգալու համար:
Գյուղում նոր փողոցներ ավելացան , որտեղ ինչպես հասկանում եք գազատարի խողովակներ չկային, ես ձեռնամուխ եղա 4-5 նոր խողովակաշարեր անցկացինք այդ փողոցներում:
Գյուղի մշակութի տան սրահի վերանորոգման ծրագրի իրագործմանը նպաստեցի: Այսօր արդեն այդ սրահից կարիքի դեպքում օգտվում է գյուղի 70-80 տոկոսը:Ջրագծերի ներքին ցանցն ենք փոխել 2 փողոցների համար: Աշխատանքները շատ են, իսկ ընթացիկ գործերը միշտ կատարել եմ այնպես, որ մեր գյուղացիները գոհ լինեն ինձ ընտրելու հարցում: Մեր ժողովրդին պետք են գործ անող մարդիկ:
-Ինչո՞ւ որոշեցիք Ձեր մասնակցությունը բերել Վաղարշապատ համայնքի ավագանու ընտրություններին:
-Ի տարբերություն շատերի , ես արդեն ղեկավարման փորձ ունեմ և ծանոթ եմ ենթակառուցվածքներին և խնդիրներին, դրանց լուծման եղանակներին գյուղական բնակավայրերին ու քաղաքին:
Համայնքի աշխատանքները ճիշտ կազմակերպելու և ճիշտ կառավարելու արդյունքում կարելի է ամեն ինչի հասնել և շատ խնդիրների արագ լուծում տալ: Իմ մասնակցության հարցը թիմով ենք որոշել: «Մայր Հայաստան» կուսակցության ղեկավար Անդրանիկ Թևանյանն առաջարկեց, մենք համաձայնեցինք: Ինքս էլ մեծ ցանկությամբ եմ առաջադրվել և պատրաստ եմ մեր ծրագրերը կյանքի կոչելուն:
–Որո՞նք են լինելու Ձեր նախընտրական ծրագրերի հիմնաքարային հարցերը:
-Խնդիրները շատ են: Համայնքային նշանակության հարցերը ինձ են ներկայացնում ժողովուրդը, երբ բակային հանդիպումներ եմ ունենում: Դրանցից կարող եմ առանձնացնել համայնքային մանկապարտեզների անվճար դարձնելը կլինի մեր ծրագրային դրույթներից մեկը:Բազմաբանակրան շենքերի տանիքների նորոգումը, կոյուղագծերի ներքին ցանցի փոխումը, թափառող շների ստերջացման հարցը, համայնքը զբոսաշրջիկների համար տուրիստական Հոգևոր-մայրաքաղաք դարձնելու կամքը , ներդրումներ ներգրավելով պետք է նախապես գրավիչ դարձնել համայնքը, թե չէ բոլորը խոսում են ներդրումներից բայց չեն ասում թե ինչպես …Զվարթնոցում/Սատանի անիվ/ կոչվող տարածքը զբոսայգու կվերածենք և նախկին իր տեսքն ու հանգստի վայրը կվերադարձնենք մեր ժողովրդին: Քաղաքական առումով մեր նպատակը ՔՊ-ին իշխանազրկելն է ու իշխանության պատասխանատվությունը ստանձնելը:
Ինչպիսի՞ Վաղարշապատ եք Դուք տեսնում:
-Զարգացած ենթակառուցվածքներ, ներդրումների համար գրավիչ միջավայրով պաշտպանված , Հոգևոր-մայրաքաղաքի համար ստեղծված պայմաններով , որը կապահովի զբոսաշրջիկների համար հաճելի, գրավիչ միջավայր, անվճար մանկապարտեզներ, մաքուր և բարեկեցիք համայնք բոլորի համար:
-Ո՞նց եք պատկերացնում Ձեր հաղթանակը , որ արդեն ԶԼՄ-ով խոսվում է , որ իշխող ուժի թեկնածուն ոչ մրցակցային դաշտ է ապահովում: Ի՞նչ կարծիքի եք այս մասին և այս առումով ի՞նչպես եք գնահատում Ձեր շանսերը:
-Մեր շանսերը բարձր եմ գնահատում: Քանի-որ ժողովուրդն իր խոսքը կասի , եթե ամեն բան նորմալ ընթանա ուրեմն մենք կտեսնեք…հատկապես գյուղական բնակավայրերում ինձ բոլորը ճանաչում են և գիտեն թե ես ինչպես եմ աշխատել ու կարճ ժամանակահատվածում որքան գործ է արվել, բայց մինչ այդ տեսնում ենք ինչպես Դուք ասացիք քարոզարշավի ընթացքում /բաներները-պաստառները/ իշխանական թեկնածուն Էջմիածին քաղաքի մուտքից մինչև վերջին խանութի պատուհանին փակցրել է իր նկարները: Անհավասար պայմաններ են ստեղծվել: Դա արդար ընտրապայքա՞ր է: Ժողովուրդն ամեն բան էլ տեսնում է և կարծում եմ հետևություն կանի: Դրա փոխարեն ես ժողովրդի հետ հանդիպումների ընթացքում լսում եմ , որ նրանք ասում են լուրջ մի վերաբերվիր /խնդրել են, կպցրել ենք/, բայց մենք մեր ընտրությունը կանենք առանց կողմանակի /պարտադրանքի/: Անկեղծ ասած ես ցանկացած հանդիպումներց զգում եմ ժողովրդի ջերմությունը մեր հանդեպ, որը ձևական չի: Մարդիկ բոլորին էլ ճանաչում են, գիտեն իմ հարգանքը և վերաբերմունքը թե ժողովրդին և թե համայնքին, ինչպես կուզեն այնպես էլ թող վարվեն իրենց համար ընտրեն այն ավագանուն , որը միշտ նրա կողքին է եղել ու նրա հոգսերը թեթևացնելու համար ծրագրեր է մշակում:Այդ բոլորը ժողովուրդը թող համեմատի և կհասկանա:
–Ի՞նչն եք համարում Ձեր հաջողության գրավականը:
-Աշխատասիրություն, աշխատանքային և կյանքի փորձ, դաստիրակություն , արժանապատիվ ընտանիք, պարզ ճակատ ՄԱՐԴ ով կարող է իր անցած ճանապարհով օրինակ լինել: Ես կարծում եմ , այն մարիդիկ ովքեր տեսել են իմ գործը ինձ կհավատան: Մինչ օրս երբ հանդիպում ենք քարոզարշավի շրջանակներում, ժողովրդի վերաբերմունքը ինձ վստահություն է տալիս ընտրություններին իմ մասնակցության և հաղթանակի համար:
– Պարո՛ն Հարությունյան, ասեք Ձեր նշանաբանը:
-«ՄԻԱՑԻՐ , ՈՐ ՓՈԽԵՆՔ» : Ես ունեմ նաև իմ խոսքը՝ «Վախկոտն ամեն օր է մեռնում»: Սիրելի՛ ժողովուրդ, բռնաճնշումները և այլ լծակներ թող չկաշկանդեն մեզ: Ընտրեք ազատ և ձեր համոզմունքով՝ տեր կանգնելով ձեր քվեին:
Հարցազրույցը՝ Կարինե Սարգսյանի