ՊԱՇՏՈՆԱԿԱՆ ՀԱՅՏԱՐԱՐՈՒԹՅՈՒՆ
Հայաստանը մեկնարկում է ԵՄ ֆինանսավորմամբ «Թվինինգ» ծրագիրը՝
ի աջակցություն առողջության համընդհանուր ապահովագրության բարեփոխման
Խորվաթիայի Հանրապետության և Սլովենիայի Հանրապետության հետ գործընկերությամբ
ՄԻՋՈՑԱՌՄԱՆ ԱՄՍԱԹԻՎԸ 2026 թվականի սեպտեմբերի 30
ՎԱՅՐԸ Հայաստանի ազգային պատկերասրահ, Արամի փող. 1, Երևան
ԿԱԶՄԱԿԵՐՊԻՉՆԵՐԸ Հայաստանի առողջության համընդհանուր ապահովագրության հիմնադրամ, Եվրոպական միություն,
Խորվաթիայի Հանրապետություն, Սլովենիայի Հանրապետություն
ԵՐԵՎԱՆ, ՀԱՅԱՍՏԱՆ — Հայաստանի առողջության համընդհանուր ապահովագրության հիմնադրամը՝ Եվրոպական միության, ինչպես նաև
Խորվաթիայի Հանրապետության և Սլովենիայի Հանրապետության առողջապահության նախարարությունների հետ սերտ համագործակցությամբ,
պաշտոնապես մեկնարկում է Եվրոպական միության «Թվինինգ» ծրագիրը՝ «Աջակցություն Հայաստանում առողջության համընդհանուր
ապահովագրության բարեփոխման իրականացմանը», 2026 թվականի սեպտեմբերի 30-ին՝ Հայաստանի ազգային պատկերասրահում։
Եվրոպական միության ֆինանսավորմամբ իրականացվող այս երկամյա առաջատար նախաձեռնությունը կարևոր հանգրվան է Հայաստանում
առողջության համընդհանուր ապահովագրության (ԱՀԱ) համապարփակ բարեփոխումների իրականացմանն ուղղված շարունակական ջանքերում։
Ծրագիրը նպատակ ունի ամրապնդելու ինստիտուցիոնալ կարողությունները, օպտիմալացնելու առողջապահության ֆինանսավորման մեխանիզմները և
աջակցելու համակարգային կայուն կառուցվածքների ձևավորմանը՝ Հայաստանի բոլոր քաղաքացիների համար բարձրորակ և հասանելի
առողջապահական ծառայություններ ապահովելու նպատակով։
ԲԱՐՁՐԱՍՏԻՃԱՆ ՄԵԿՆԱՐԿԱՅԻՆ ՄԻՋՈՑԱՌՈՒՄԸ ԵՎ ՌԱԶՄԱՎԱՐԱԿԱՆ ՆՊԱՏԱԿՆԵՐԸ
Պաշտոնական մեկնարկային միջոցառումը մեկտեղելու է բարձրաստիճան պաշտոնյաների, միջազգային փորձագետների, քաղաքականության մշակման
խորհրդատուների և առողջապահության ոլորտի հիմնական շահագրգիռ կողմերին։ Միջոցառման ընթացքում կներկայացվեն «Թվինինգ» ծրագրի
ռազմավարական ճանապարհային քարտեզը, կազմակերպական շրջանակը և ակնկալվող երկարաժամկետ արդյունքները։
Ծրագիրը նպաստելու է ինստիտուցիոնալ համագործակցությանը, ինչպես նաև գիտելիքի և լավագույն փորձի փոխանակմանը՝ ի աջակցություն
Հայաստանում առողջության համընդհանուր ապահովագրության բարեփոխման։ Համագործակցությունը կենտրոնանալու է իրավական և
ինստիտուցիոնալ շրջանակների ամրապնդման, արդյունավետ գործառնությունների ապահովման, ֆինանսական կայունության խթանման և
առողջապահական համակարգի կառավարման բարելավման ուղղությամբ։