«Դեկտեմբերի 10-ին Մոսկվայում կայացած «3+3» ձեւաչափով հանդիպմանը ներկայացվել է Վրաստանի դրոշը, ինչը, բնականաբար, մեզ համար անընդունելի է»,- ասվում է Վրաստանի ԱԳՆ հաղորդակցությունների տնօրինության մեկնաբանության մեջ, հայտնում է «Առաջին վրացական ալիքը»։
Նշվում է, որ գերատեսչությունը սրան արձագանքել է համապատասխան դիվանագիտական խողովակներով։
«Վրացական կողմը բազմիցս հայտարարել է իր հստակ դիրքորոշման մասին «3+3» տարածաշրջանային ձեւաչափի վերաբերյալ, որ մենք չենք քննարկելու Վրաստանի մասնակցությունն այս ձեւաչափին։ Դեկտեմբերի 10-ին Մոսկվայում կայացած հանդիպման ժամանակ ներկայացվել է Վրաստանի դրոշը, ինչը, բնականաբար, մեզ համար անընդունելի է, ինչին մենք արձագանքել ենք համապատասխան դիվանագիտական խողովակներով»,- ասված է ԱԳՆ հաղորդագրության մեջ։
Դեկտեմբերի 10-ին Մոսկվայում կայացել է «3+3» առաջին հանդիպումը։ Հանդիպմանը մասնակցել են Թուրքիայի, Ռուսաստանի, Իրանի, Ադրբեջանի եւ Հայաստանի պատվիրակությունները՝ ԱԳ փոխնախարարների գլխավորությամբ։ Նիստից մեկ օր առաջ Վրաստանի ԱԳՆ-ն հայտարարություն էր տարածել, որ Վրաստանը ներկայացված չի լինելու հանդիպմանը։