Մոնթե Մելքոնյանի անվան ռազմամարզական վարժարանը հայտարարում է, որ 2023-2024 ուստարվա 10-րդ, 11-րդ և 12-րդ դասարաններում ընդունելության ժամկետները երկարացվում են մինչև օգոստոսի 30-ը:
Դիմումներն ընդունվում են ս.թ. օգոստոսի 15-ից մինչև օգոստոսի 30-ը, ժամը 10:00-ից 17:00-ն (բացի հանգստյան և ոչ աշխատանքային օրերից): Ընդունելության համար անհրաժեշտ է ներկայացնել հետևյալ փաստաթղթերը.
- Դիմում, որը լրացվում է տեղում, կամ էլեկտրոնային (www.monte.am կայքում),
- Տեղեկանք՝ հոգեբուժական և նարկոլոգիական դիսպանսերներից (ներկայացնել անձամբ),
- Ձև 63 և քաղվածք՝ երեխայի բժշկական հսկողության ամբուլատոր քարտից,
- Ինքնակենսագրություն (դիմորդի ձեռագրով),
- 10-րդ դասարան ընդունվելու համար 9-ամյա՝ հիմնական կրթության վկայականը,
- Ծննդյան վկայականը (անձնագիրը) և պատճենը,
- ՀԾՀ (սոցքարտ) քարտը և պատճենը,
- 3×4 չափի 4 լուսանկար,
- Ծնողի անձնագրի և սոցքարտի պատճենները:
Ռազմամարզական վարժարանում կրթությունն իրականացվում է հանրակրթական ավագ դպրոցի ուսումնական և ռազմամարզական մասնագիտացված եռամյա ծրագրերով: Վարժարանի սաների համար սահմանվելու է կրթաթոշակ։
Մոնթե Մելքոնյանի անվան ռազմամարզական վարժարանի ընդունելության և քննությունների հետ կապված լրացուցիչ տեղեկություններ կարող եք ստանալ +374 (60) 71-30-00, +374 (60) 71-30-03, +374 (60) 71-30-01, +374 (99) 04-26-22 +374 (91) 99-95-30 հեռախոսահամարների միջոցով կամ այցելելով ՀՀ ՊՆ Մ. Մելքոնյանի անվան ռազմամարզական վարժարան (ք. Դիլիջան, Պարզ լճի 5, 24/1, 26/1)։