Պրեմիերա . Գինու Համբույրից. Խոսքերի հեղինակ` Անի Հերունի Սաջյան Երաժշտությունը` Վահագ Ռաշի Երգը յուրահատուկ տեղ ունի իմ երգացանկում։ Երբ Անին ուղարկեց խոսքերը, միանգամից հասկացա, որ այն երգ է դառնալու։ Քանի որ այդ ժամանակահատվածում հոգեվիճակս շատ նման էր երգի խոսքերին։ Երևի բոլորի մոտ լինում են պահեր, երբ փորձում ես միայնակ մնալ ու կտրվել աշխարհից` մեկ գավաթ գինու հետ։ Այ հենց այդպես էլ ստեղծվեց երաժշտությունը, որը տևեց ընդամենը 5-10 րոպե։ Երգը երկար մնաց իմ երգադարակում, երբ մի օր որոշեցի գործիքավորել։ Այն կատարեց Կարեն Արզումանյանը, իսկ երաժշտական մշակումն ու ձայնագրությունը` Սերգեյ Գասպրյանը։ Հոլովակը պատրաստեց Ալենա Տոկմանինան։ Երգի վերնագրի մասին երկար մտածեցի ու ընտրեցի Գինու Համբույրից տարբերակը … Կարծում եմ իմ լսարանը կհավանի այն և կտեղավորի իր սիրելի երգերի մի գողտրիկ անկյունում։