Ռուսաստանը պատրաստ է աջակցել հայ-ադրբեջանական սահմանի սահմանազատման հարցով երկկողմ հանձնաժողովին, ինչն արձանագրված է երեք երկրների ղեկավարների հայտարարության մեջ։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։ «Ռուսաստանը հետխորհրդային տարածքում սահմանազատման եւ սահմանային վեճերի կարգավորման ոլորտում եզակի փորձագիտական ​​ներուժ ունի։ Մենք մեր տրամադրության տակ ունենք անհրաժեշտ քարտեզագրական նյութերը, եւ ուրախ կլինենք հանձնաժողովի գործունեության շրջանակներում կիսվել մեր նյութերով եւ աշխատանքով հայ եւ ադրբեջանցի ընկերների հետ։ Խորհրդատվական օգնության ցուցաբերման ռուս փորձագետների թիմն արդեն ձեւավորված է»,- նշել…

Իշխանությունները Ադրբեջանի եւ Թուրքիայի ճնշման տակ երկիրը դեպի ինքնիշխանության վերջնական կորուստ են տանում։ Այս մասին մայիսի 25-ին քննարկման ժամանակ ասաց «Հայաստան» խմբակցության ղեկավար, պաշտպանության նախկին նախարար Սեյրան Օհանյանը։ Նա նշեց, որ իշխանությունները ոչ մի հետեւություն չեն արել, խրախուսել եւ շարունակում են խրախուսել նահանջն ու պարտությունը։ «Մենք պետք է աշխատենք բնակչության այն հատվածի հետ, որը չի գիտակցում, թե ինչ ողբերգության են հասցրել այս իշխանությունները եւ ինչ տեմպերով են մեզ դեպի թուրք-ադրբեջանական պատրանքը տանում։ Մենք պետք է…

Ռուսաստանը մտադիր չէ ակտիվորեն նախաձեռնել Առողջապահության համաշխարհային կազմակերպությունից դուրս գալու ընթացակարգը: Այս մասին ՏԱՍՍ-ին չորեքշաբթի հայտնել է ՌԴ ԱԳՆ միջազգային կազմակերպությունների վարչության տնօրեն Պյոտր Իլյիչեւը: «Ոչ, ԱՀԿ-ի մասին հաստատ ասում եմ, որ ոչ: Իր նախաձեռնությամբ Ռուսաստանը դուրս չի գա», – ասել է նա՝ պատասխանելով համապատասխան հարցին:   Ռուսաստանում Առողջապահության համաշխարհային կազմակերպության ներկայացուցչության փակման մասին խոսք չի գնում, հայտարարել է Իլյիչեւը:  «Այս մասին ոչ ոք չի խոսում»,- ասել է նա՝ պատասխանելով գործակալության հարցին:  

Անկարան հայ-թուրքական գործընթացը սինխրոնիզացնում է հայ-ադրբեջանական հարաբերությունների հետ: Այս մասին մայիսի 25-ին ԱԺ նիստին կառավարության ժամին,  պատասխանելով իշխող «Քաղաքացիական պայմանագիր» կուսակցության պատգամավորների հարցերին, հայտարարեց ՀՀ արտգործնախարար Արարատ Միրզոյանը: Պատգամավորների՝ Հայաստանի եւ Թուրքիայի ներկայացուցիչների հանդիպման անցկացման վայրերի դերի մասին հարցին ի պատասխան՝ նախարարը նշեց, որ դա այդքան էլ կարեւոր չէ։ Նա չբացառեց, որ հետագայում այդ հանդիպումները կանցկացվեն ինչպես Երեւանում, այնպես էլ Անկարայում։ «Այս պահին կարող եմ միայն ասել, որ, ցավոք, որքան էլ խոսվի առանց նախապայմանների գործընթացի…

Ընդառաջելով մայիսի 24-ին Արցախի Հանրապետության խորհրդարանում ներկայացված քաղաքական կուսակցությունների՝ Հանրապետության նախագահին ուղղված նամակին՝ ԱՀ նախագահ Արայիկ Հարությունյանը մայիսի 25-ին հրավիրել է Անվտանգության խորհրդի ընդլայնված նիստ, NEWS.am–ին տեղեկացնում են Արցախի նախագահի աշխատակազմից: Երկրի ղեկավարը նախ ընդգծել է, որ Արցախի իշխանությունների և ժողովրդի համար խիստ անընդունելի է Եվրոպական խորհրդի նախագահ Շառլ Միշելի հայտարարության մեջ տեղ գտած «Ղարաբաղի էթնիկ հայ բնակչության իրավունքներն ու անվտանգությունը» ապահովելու մասին ձևակերպումը՝ նշելով, որ այն չի արտահայտում անցած երեսուն տարիների ընթացքում միջազգային հանրության համար…

2022 թվականի սկզբին ինչպես համաշխարհային տնտեսության, այնպես էլ Հայաստանի տնտեսության մեջ տնտեսական ակտիվության ուժեղ վերականգնում է դիտարկվում։ Հայաստանում 12-ամսյա գնաճը ավելի արագ է նվազել, քան սպասվում էր։ Այս մասին Ազգային ժողովի նիստում Կենտրոնական բանկի անցած տարվա գործունեության տարեկան հաշվետվության քննարկման ժամանակ հայտարարեց Կենտրոնական բանկի նախագահ Մարտին Գալստյանը։ Սակայն, ըստ նրա, փետրվարի վերջին ռուս-ուկրաինական հակամարտության սրումը եւ Ռուսաստանի Դաշնության հանդեպ կիրառված պատժամիջոցներն աննախադեպ անորոշություն են ստեղծել տարածաշրջանային տնտեսական գործընթացների առումով։ «Բավականին բարձր անորոշությունների եւ բազմակողմ ռիսկերի…

N1 պոլիկլինիկան, N5 պոլիկլինիկան եւ Քաղաքային էնդոկրին դիսպանսերը կմիանան N4 պոլիկլինիկային։ Նախատեսվում է նաեւ միավորել N1 պոլիկլինիկայում եւ Քաղաքային էնդոկրին դիսպանսերում մատուցվող ծառայությունները, իսկ N5 պոլիկլինիկայի գործունեությունը կշարունակվի նույն հասցեում որպես N4 պոլիկլինիկայի մասնաճյուղ։ Համապատասխան որոշումն ընդունվել է մայիսի 24-ին Երեւանի ավագանու նիստում։ «Հերացի» պոլիկլինիկայի գործունեությունը դադարեցնելու կապակցությամբ բանակցություններ են ընթանում։ Արաբկիրի մանկական պոլիկլինիկան կմիանա  «Նոր Արաբկիր»  բժշկական կենտրոնին, Սարի թախի պոլիկլինիկան՝  N17 պոլիկլինիային, Նորագավիթի պոլիկլինիկան՝ N13 պոլիկլինիային, իսկ Նուբարարշենի պոլիկլինիկան՝ Նոր Արեշի պոլիկլինիային։ Նշվում…

Երկու երկրների միջև ձեռք բերված պայմանավորվածությունների իրականացման շրջանակներում և համապատասխան հանձնարարականների հիման վրա 2022 թվականի մայիսի 24-ին Հայաստանի և Ադրբեջանի միջպետական սահմանին տեղի է ունեցել Հայաստանի Հանրապետության փոխվարչապետ Մհեր Գրիգորյանի և Ադրբեջանի Հանրապետության փոխվարչապետ Շահին Մուստաֆաևի առաջին հանդիպումը` Հայաստանի և Ադրբեջանի միջև սահմանազատման և սահմանային անվտանգության հարցերով հանձնաժողովների համատեղ աշխատանքի ձևաչափով։ NEWS.am–ին ԱԳՆ–ից տեղեկացնում են, որ կողմերը վերահաստատել են իրենց պատրաստակամությունը` հանձնաժողովների շրջանակներում աշխատանքներ տանելու սահմանազատման և այլ համապատասխան հարցերի, այդ թվում՝ սահմանային անվտանգության ապահովման…