Դեկտեմբերի 5-ին Արագածոտնի մարզի Թալին խոշորացված համայնքում նույնպես սպասվում են ՏԻՄ և ավագանու ընտրություններ: Խոշորացման արդյունքում Թալին քաղաքը և հարակից 28 գյուղական համայնքները միավորվում են արդյունքում ձևավորելով մեկ ընդհանուր համայնք Թալին կենտրոնով։ Ընտրություններին մասնակցում են չորս կուսակցություններ, սակայն առավել քան հայտնի է «Զարթոնք» Ազգային Քրիստոնեական կուսակցության կողմից առաջադրված թեկնածուն՝ ով գլխավորում է ավագանու ցուցակը, Թալինի նախկին քաղաքապետ, ԱԺ նախկին պատգամավոր՝ ՄՆԱՑԱԿԱՆ ՄՆԱՑԱԿԱՆՅԱՆԸ , ում շատ լավ ճանաչում են ինչպես տարածաշրջանում այնպես էլ նրա սահմաններից դուրս:
Այդ է պատճառը, որ տարածաշրջանի գյուղական բնակավայրերում Մնացականյանը ճանաչված է ու մեր հարցումներին ի պատասխան նրա մասին խոսում էին , որպես իրանց մարդու: « Մեր Թալինի քաղաքապետն ա եղել շատ լավ ենք ճանաչում , մենք նրան ընդունում ենք, որպես ՄԱՐԴ, անկախ նրանից թե որ կուսակցությունից լինի կամ չլինի: Շատ գործեր է արել մեր քաղաքի համար: Ամեն մեկը չի կարող համայնք ղեկավարի , հիմա շատերը մտածում են թե պետական պաշտոնյա կամ ղեկավար կարող են լինել ,ընդամենը սեղան ու աթոռ ունենալով:Բայց պտի ճանապարհ անցնեն ու կենսագրություն ունենան, մինչև տեղ հասնելը» ,- այդ մասին մեզ հետ զրույցում նկատեց Թալինի բնակչուհի:
Ներկայացնում ենք մեր զրույց ընախկին քաղաքապետ , «Զարթոնք» կուսակցության ավագանու ցուցակը գլխավորող Մնացական Մնացականյանի հետ:
-Պարոն Մնացականյան շատ է խոսվում Ձեր թեկնածության մասին, թե ի՞նչու որոշեցիք կրկին առաջադրվել, որպես Թալին խոշորացված համայնքի ավագանու թեկնածու:
-Դա ինքնանպատակ չի եղել, որոշել եմ Թալին խոշորացվող համայնքի ընտրություններին մասնակցելը , քանի-որ դեռևս կարող եմ օգտակար լինել մեր ազգաբնակչությանը:
-Ի՞նչպես եք կազմակերպում քարոզարշավը և ժողովրդի գերակշռող մասը ի՞նչ հարցեր է բարձրացնում:
-Յուրաքանչյուր գյուղական համայնք այցելում եմ և զրուցում ազգաբնակչության հետ, ծանոթացնում եմ մեր ծրագրային դրույթներին և լսում եմ նրանց խնդիրներն ու միասին քննարկում առաջիկա անելիքների մասին, քանի-որ փոքր բնակավայրերում բոլորը- բոլորին ճանաչում են :
– Պարոն Մնացականյան բոլորը բոլորին ճանաչելը ՝օգնում է թե խանգարում, արդյո՞ք դա չի ստեղծում լարվածություն:
– Ոչ՛: Խնդիր ու լարվածություն չկա հատկապես մեր մասով: Ընտրապայքարին մասնակցում են չորս կուսակցություններ, թող ժողովուրդը որոշի թե ում հետ են ուզում անցկացնեն իրենց հետագա հինգ տարիները: Սովորաբար տեղական ընտրությունները՝ չնայած այժմ համամասնական ընտրակարգով է, բայց մարդիկ ընտրում են անձով պայմանավորված , որի արդյունքում ես համոզմունք ունեմ , որ մարդիկ մեզ ճիշտ են ընկալում:
– Ի՞նչպես եք գնահատում Ձեր թիմի շանսերը :
-Մարդիկ թող գնահատեն, ես ամպագորգոռ բաներ չեմ ցանկանում ասել,սակայն Թալին համայնքում բավական հետաքրքիր ընտրապայքար է սպասվում:
-Պարոն Մնացականյան այսօր ի՞նչ փոփոխություն եք նկատում ընտրություններին մասնակցող ժողովրդի շրջանում:
-Ես նախկինում , որքան մասնակցել եմ ընտրություններին միայն մաքուր և թափանցիկ եմ աշխատել: Մարդիկ պետք է իրենց ձայնը և կամքը ազատ արտահայտեն, իմ մոտեցումը բոլորը գիտեն: Անկախ ընտրությունների արդյունքներից մեր վերաբերմունքը չի պայմանավորվել փոփոխությամբ ՝ եթե որևէ մեկը կարող է ապացուցել հակառակը՝ ներեղություն կխնդրեմ:
-Գյուղական համայնքային նշանակության խնդիրներին ո՞րքանով եք ծանոթացել:
-Ես շատ լավ ծանոթ եմ մեր քաղաքին և գյուղական բոլոր համայնքների խնդիրներին: Հանրապետության գյուղական համայնքների բոլոր խնդիրները գրեթե միանման են :Թիվ մեկ խնդիրը սոցիալական բնույթի են, աշխատատեղերի բացակայություն, կոմունիկացիաների ու կրթական ոլորտի: Ճիշտ է դրանք հիմնականում պետական մակարդակի հարցեր են , սակայն դա մեզ առնչվում է այնքանով , որ օրինակ որակյալ կրթություն չստանալու հետևանքով ծնողները կարող են իրենց երեխաների հետ տեղափոխվել, որպեսզի նրանք ապահովեն որակյալ կրթությամբ: Ուստի մենք ամեն բան պետք է անեք կրթությունը խթանելու համար, 3-4 գյուղի համար պետք է ստեղծել , որակյալ կրթական կերտրոն, որտեղ յուրաքանչյուրը կստանա լավ կրթություն և գյուղական համայնքներն էլ չեն դատարկվի: Մենք նույն տրամաբանության շրջանակներում մտածել ենք աշակերտների անվտանգ ու հուսալի տեղափոխման հարցը, որպեսզի ծնողները չմտահոգվեն:
-Ձեր կարգախոսը:
-Մեր կարգախոսը երեք , սակայն կարևոր բառեր են ՝
ՓՈՐՁ ՄԻԱՍՆՈՒԹՅՈՒՆ ԱՐԴՅՈՒՆՔ. դա ամպագորգոռ բառեր չեն դա վերաբերվում է մեր ներկա իրավիճակին ՝ ժողովուրդը ներկան թողած ՝ ապագայով չի ապրելու:
-Ձեր կոչը ժողովրդին:
-Ճիշտ կողմնորոշվել և գնալ ընտրությունների, բայց ամենակարևորը՝ միասնություն է մեզ պետք, որպեսզի կարողանանք մեր ազգի առջև ծառացած խնդիրները միասնաբար լուծենք:
Ես չեմ ցանականում խոսել այսօր մեր զինվորների և սահմանների շուրջ , սակայն բոլորիս թիվ մեկ խնդիրը այսօր սահմանն է, ուստի մեր ազգի միասնականությունն ամենակարևորն է, մեզ չպետք է բաժանել տարբեր գույների , կուսակցությունների՝ թուրք- ադրբեջանցին , որ սահամանի կողմից կրակում է չի հարցնում , որ կուսակցությունից ես, ովա սպիտակ կամ կարմիր:
Մենք միասնական պետք է լինենք, որ առիթից չօգտվեն մեր թշնամիները:Կոչ եմ անում առանց լարվածության ընտրեն իրենց նախընտրած թեկնածուին:
Հարցազրույցը ՝ Կարինե Սարգսյանի