2023թ. գրանցվել է մոտ 1 000 անօրինական հոր։ Այս մասին լագրողների հետ զրույցում հունվարի 15-ին ասել է շրջակա միջավայրի նախարար Հակոբ Սիմիդյանը։ Տեսչական մարմինը փակել է ութ հոր, որոնցից չորսը փորվել էր ձկնաբուծական նպատակներով։ 2024թ. անօրինական հորերի գործունեության դադարեցման աշխատանքը կշարունակվի։ Հիշեցնենք, որ օրենսդրական փոփոխություններից հետո ձկնային տնտեսությունները, որոնք ջուր են ստանում ստորգետնյա հորերից, պետք է օգտագործեն միայն ջրի շրջանառման խնայողական համակարգերը (փակ ցիկլ)։ Նախարարը նաեւ տեղեկացրել է, որ հունվարի 1-ից բոլոր ջրօգտագործողները պետք է օգտագործեն…

ԱՄՆ դոլարի փոխարժեքն այսօր՝ հունվարի 15-ին, կազմել է 405.49 դրամ՝ նախորդ օրվա համեմատ աճել է 0.14 դրամով: Այդ մասին տեղեկանում ենք Կենտրոնական բանկի պաշտոնական կայքից։ Եվրոյի փոխարժեքը կազմել է 443.65 դրամ (նվազել է 0.53 դրամով), բրիտանական ֆունտի փոխարժեքը կազմել է 516.27 դրամ (նվազել է 0.71 դրամով), իսկ ռուսական ռուբլու փոխարժեքը կազմել է 4.64 դրամ (աճել է 0.04 դրամով): Հայաստանյան բանկերում դոլարը գնվում է 401-405 դրամով, վաճառվում է 408-409 դրամով: Եվրոն բանկերում գնվում է 435-442 դրամով,…

Գլխավոր դատախազ Աննա Վարդապետյանն այսօր ընդունել է Հայաստան ժամանած՝ ԱՄՆ պետական դեպարտամենտի Գլոբալ հակակոռուպցիոն հարցերով համակարգող Ռիչարդ Նեֆյուի գլխավորած պատվիրակությանը: Պատվիրակության կազմում են եղել նաև ԱՄՆ պետական դեպարտամենտի Գլոբալ հակակոռուպցիոն հարցերով համակարգողի խմբի ղեկավար Քրիստեն Ֆրեսոնկը, Հայաստանում ԱՄՆ փոխդեսպան Չիփ Լեյթինենը և ՀՀ-ում ԱՄՆ դեսպանության թմրամիջոցների դեմ պայքարի և իրավապահ համագործակցության ծրագրի (INL) տնօրեն Ալեքսիս Հաֆթվանը: Հանդիպման ընթացքում ներկայացվել են Հակակոռուպցիոն ոլորտում Գլխավոր դատախազության կողմից իրականացվող աշխատանքները, ինչպես նաև կոռուպցիայի դեմ պայքարում ԱՄՆ-ի հետ համագործակցության…

Իսրայելի հետ հակամարտության սրումից հետո Գազայի հատվածում սպանված լրագրողների թիվը հասել է 118-ի, հայտնում է Գազայի ԶԼՄ-ների հետ աշխատանքի գրասենյակը։ Հունվարի 14-ին իսրայելական հարվածից սպանվեց եգիպտական ​​«Ալ Ղադ» հեռուստաալիքի օպերատոր Յազան ալ Զուվեյդին, ով լուսաբանում էր անկլավի հյուսիսում տեղի ունեցող իրադարձությունները։ Հեռուստաալիքը հաստատել է իր աշխատակցի մահը։

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ Վարորդներին խորհուրդ է տրվում երթևեկել բացառապես ձմեռային անվադողերով։

34 տարի առաջ այս օրերին Բաքվում հայերի ջարդերը դարձան Ադրբեջանական ԽՍՀ-ից հայ բնակչության բռնի տեղահանման և էթնիկ զտման քաղաքականության գագաթնակետը: Հարյուրավորները սպանվեցին, խեղվեցին և անհետ կորան, կես միլիոնը դարձան փախստական։ Այդ մասին X-ի էջում գրել է ՀՀ ԱԳՆ-ն․ «Մենք հարգանքի տուրք ենք մատուցում անմեղ զոհերի հիշատակին, ընդգծում ենք նման քաղաքականության կանխարգելման և իրավունքների պահպանման անհրաժեշտությունը»։

Վարչապետ Նիկոլ Փաշինյանն ընդունել է ԱՄՆ պետքարտուղարության՝ կոռուպցիայի դեմ գլոբալ պայքարի համակարգող Ռիչարդ Նեֆյուին: Այս մասին  տեղեկացնում են կառավարությունից։ Վարչապետը կարևորել է կոռուպցիայի դեմ պայքարում և ժողովրդավարական ինստիտուտների զարգացման ուղղությամբ ԱՄՆ վարչակազմի հետ սերտ համագործակցությունն ու դրա շարունակականությունը: Նիկոլ Փաշինյանը նշել է, որ հակակառուպցիոն քաղաքականությունը և բարեփոխումների օրակարգի առաջմղումը ՀՀ կառավարության առաջնահերթությունն է և գործադիրը հետևողականորեն շարժվում է հակակառուպցիոն մեխանիզմների զարգացման և ինստիտուտների արդյունավետության բարձրացման ուղղությամբ: Այս համատեքստում, վարչապետը կարևորել է գործընկեր պետությունների հետ ծրագրերի հետագա…

Ներքին գործերի փոխնախարար Արփինե Սարգսյանը հերքում է իր միջամտությունը հոր՝ Աշոտ Սարգսյանի նկատմամբ հարուցված քրեական գործին։ Այս մասին այսօր՝ հունվարի 15-ի մամուլի ասուլիսում՝ անդրադառնալով մամուլում շրջանառվող լուրերին, թե արդադատության փոնախարարի պաշտոնում իր նշանակումից հետո հորն առնչվող քրեական գործում փոփոխություններ են տեղի ունեցել, Արփինե Սարգսյանը նշել է, որ իր միջամտությունը գործին սահմնանափակվել է միայն մասնագիտական խորհրդատվությամբ։ «Իսկ ընտանիքի անդամներին մասնագիտական խորհրդատվություն տրամադրելն օրենքով չի արգելվում»,- հայտարարեց Արփինե Սարգսյանը։ Փոխնախարարի խոսքով՝ քրեական գործով մեղադրանքը փոփոխվել է գլխավոր…

Փրկարարներն արգելափակումից դուրս են բերել ավտոմեքենաները։ Հայտնում են ՆԳՆ Փրկարար ծառայությունից։ «Ժամը 19։30-ի դրությամբ եղանակային անբարենպաստ պայմանների պատճառով ՆԳՆ փրկարար ծառայության և Ոստիկանության պարեկային ծառայողների կողմից Սյունիքի մարզում իրականացվել են միջոցառումներ արգելափակված տրանսպորտային միջոցներին և քաղաքացիներին անհրաժեշտ օգնություն ցուցաբերելու նպատակով՝ արդյունքում արգելափակումից դուրս է բերվել 77 տրանսպորտային միջոց, օգնություն է ցուցաբերվել 89 քաղաքացու»,- ասվում է հաղորդագրության մեջ։

Սննդամթերքի անվտանգության տեսչական մարմինը  Աղվերանում հրավիրված արտագնա ասուլիսի ժամանակ պատասխանեց լրագրողների բոլոր  հարցերին , որոնք վերաբերվում էին  ոլորտում առկա խնդիրներին և ձեռքբերումներին: «Զրույց /progressarmenia.com» -ի այն հարցին թե ա՞րդյոք գերատեսչությունն  այսօր հագեցած է մասնագիտական որակյալ կադրերով ՝   կառույցի ղեկավար Արմեն Հայրապետյանը նկատեց,- « Շուրջ 27 հազար գրանցված  տնտեսվարողի դեպքում, բնականաբար մեր ռեսուրսները  բավարար չեն,  դժվար է  խնդիրը լուծել: Բոլորս գիտենք  թե ինչով է պայմանավորված այն՝  մեր մասնագետ-կադրերի զգալի մասը ավագ սերունդն է ՝ երիտասարդներից քչերն…